« A tous ceulx qui ces presentes lettres verront Jean Chevrel, seigneur de Garentieres, Champbouet et Gaville en partie, conseiller du Roy nostre sire, juge et garde pour led. seigneur de la prevosté de Sainct Germain en Laye, salut. Scavoir faisons que sur la requeste faicte par le procureur du Roy en la prevosté de Sainct Germain en Laye par laquelle il nous auroict remonstré et donné a entendre que puis certain tems que le Roy nostre sire auroict donné lettres d’exemption aux habitans de ce lieu et iceulx exemptez de toutes tailles et crues et d’aultres subciddes a plain declarez esd. lettres d’exemption pour le temps de dix anees, a la charge d’entretenir par lesd. habitans et a leurs despens le cours des eaues des fontaines dudict Sainct Germain, et pour ce que depuis peu de temps en ça lesd. fontaines auroient perdu leur cours tellement qu’elles ne rendoient aulcunes eaues audict Sainct Germain, se seroient plainctz plusieurs personnes jusques a la personne du Roy, tellement que sans l’aide d’aulcunes bons personnaiges, avys et bien voullans desdictz habitans, iceulx habitans eussent esté en danger d’estre deboutez desdictes exemptions, qui eust esté et seroict a leur grand prejudice et dommaige. Pour a quoy donner ordre et ad ce que pour l’advenir lesd. fontaines ne puissent plus faire defaulte et que on n’en puisse plus avoir aulcune reproche, auroict [esté] et a esté faict marché avec Jehan de Mestre, fontenier du Roy, qui a promis et est tenu entretenir le cours desd. eaues a ses coustz et despens jusques en fin du temps de lad. exemption moiennant la somme de cent livres tournois que on luy a promis et acordé paier par chacun an a quatre termes esgaulx, a la charge que lesd. habitans sont tenuz de faire faire les regardz des thuiaulz desd. fontaines de pierre de taille pour eviter que on ne les puisse si facillement rompre, et que pour le paiement desdictz cent livres tournois pour les gaiges dudict fontenier, ensemble pour faire faire lesd. regardz desd. fontaines de pierre de taille, est besoin de mectre sur et asseoir par chacun an sur lesd. habitans, le fort portant le foible, la somme de deux cens livres tournois et eslire deux d’iceulx habitans pour en faire l’assiette et un autre desd. habitans pour en faire la collecte et iceulx deniers distribuer a qui il appartiendra pour en rendre compte et reliqua. Et a ceste fin auroict led. procureur du Roy faict adjourner et comparoir par devant nous les personnes cy apres nommez pour sur ce donner leur advis et consentement : Loys Andras, Pierre Jouan, Jacques Thomyn, Michel Sallé l’aisné, Estienne Samuel, Vigor Verron, Berthelemy Lemercier, Jacques Marcel, Jamet Jullianne, Guillaume Lespine l’aisné tonnellier, Jehan Raffron dict Maistre, Pierre Lesueur, Denis Couppé, Nicolas Planson, Loys Guillemyn, Jacques Palloisseau, Adrian Auberville, Gabriel Germotteau, Samsson Rousseau, Nicolas Denis, Jacques Lemoyne, Thibault Charpentier, Pierre Leroux, Gilles Reffert, Estienne Jourdain, Richard Hubert, Jehan Bauldry, Pierre Rouget, Guillaume Plansson, Philippes Defourqueux, Robert Orgebec, Pierre Vimont, Martin Delatz, Noel Fromont, Nicolas Guillais, Jacques Demauville, Guillaume Servoisy, Robert Durant, Jacques Hamelin, Lois Pinternel, Guillaume Fieffé, Jehan Mesnard, Pierre Paramoure, Nicollas Pollet, Claude Duchef, François Cotton, Allain Hubert, Guillaume Dumellon, Jean Boullard filz Pasquier, Charles Camonody, Denis Fourreau, Pierre Sallé, David Orgebert, Jehan Daufresne, Guillaume Chappellain, Guillaume Lespine le jeune, Pierre Delacroix, Nicolas Rousseau, François Chanthomme, Guillaume Plansson, Jehan Roger, Claude Janvier, Guillaume Bourdillon, Ferrand Douen, Berthelemy Desailly, Jean Vauguyon, Estienne Fallée, Estienne Cappery, Pierre Boucher, Thomas Vollant, Marc Sellier, Jean Defourqueux, Toussainctz Lepelletier, Yves Lienard, Gilles Lienard, Michel Bocquet, Claude Lesueur, Regnault Jouan, Denis Lespine, Clement Marie, Jehan Duchesne, Jehan Moussigot Dusigne, Nicolas Bioche, Laurens Prepien, Noel Larrue, Jehan Delastre, Guillaume Jullienne, Nicolas Leschauldé, Mathieu Robin, Marin Chappellet, Romain Baron, Pierre Marsalin, Jacques Anfroy, Roger Mallet, Anthoine Maupin, Jacques Garoche, Berthelemy Vinage, Claude Raffron, Marin Verron, Thomas Gaigny, Pierre Pierre Decrequy, André Deberry, Laurens Duchesne, Jean Soullaint filz Nicolas, Pierre Plansson, Jullien Demontauben, François Viniage, Simon Monssigot, Guillaume Raffron, Michel Delamare et Marin Marcel, tous presens manans et habitans dudict Sainct Germain en Laie, et faisans et representans la seine partye desd. habitans, tous lesquelz avoir entendu le requete dud. procureur du Roy cy dessus dicte, ont dict et confessé icelle estre raisonnable et en ce faisant accordé lad. somme de deux cens livres tournois estre assise et mise sur eulx et autres habitans dud. Sainct Germain, le fort portant le foible, par chacun an durant le temps de lad. exemption, et pour icelle somme asseoir et departir sur lesd. habitans ont, au moins le plus grand et sain voix d’iceulx, esleu et nommé les personnes de Yves Lienard et Jehan Dreux, et pour icelle somme ceuillir et lever par chacune desd. annees selon lad. cotte et assiette la personne de Nicollas Pellet. Oy laquelle requeste, consentement et eslection des dessusd., avons dict et disons que lad. somme de deux cens livres tournois sera mise sur et assise sur chacun desd. habitans tant presens que absent, le fort portant le foible, par lesd. Yves Lienard et Jehan Dreux, assesseurs esleuz, pour icelle somme etre ceuillye et levee par chacun an durant le temps de lad. exemption par led. Nicolas Pellet, collecteur esleu pour faire ladicte collecte, pour estre employee es affaires et choses susd. par ledict Pellet qui en sera tenu rendre compte et reliqua quant et a qui il apartiendra, et lesquelz Yves Lienard et Jehan Dreux, asseseurs, et led. Pellet, collecteur, ledit procureur du Roy fera comparoir par devant nous pour prester le serment en tel cas requis et accoustumé. Sy donnons en mandement au premier sergent royal de lad. prevosté sur ce requis mectre ces presentes a execution selon leur forme et teneur. En tesmoing de ce nous avons mis a ces presentes le scel aux armes de lad. prevosté. Ce fut faict et donné par honnorable homme et saige maistre Jehan Peranneure, nostre lieutenant, les lundy vingt cinqiesme et jeudy vingt huictiesme jours d’octobre l’an mil cinq cent cinquante sept.
Manuel »

« M. le président porte à la connaissance du conseil une lettre datée de ce jour, adressée à M. le maire par M. Empis, liquidateur des biens de l’ancienne Liste civile, qui annonce que des ordres viennent d’être donnés à M. Chalamel, régisseur, afin de faire reprendre immédiatement les travaux de plantation du nouveau parterre de Saint-Germain. »

« Ce jourd’huy neufviesme janvier, a esté baptizé dans la chappelle du château vieil de ce lieu par monsieur l’abbé Inese, aumosnier de Leurs Majestez britanniques, Charles, né en légitime mariage le jour précèdent, 8e du présent mois, fils de haut et puissant seigneur messire Jacques, duc de Berwik, et de haute et puissante dame madame Anne Bulkeley, son epouze, le parein très haut et puissant prince Jacques Stuard, second du nom, roy de la Grande Bretagne, la mareine très haute, vertueuse et religieuse princesse Marie d’Est, princesse de Modenne et reine d’Angleterre, son epouze, lesquels ont signé en présence et du consentement de messire Jean François de Benoist, docteur de la maison de Sorbonne, prieur et curé de ce lieu, lequel a apporté les saintes huisles revestu d’etolle et surplis, et a signé.
Jacques R., Maria R.
J. Bulkeley, le duc de Berwick
L. Ineses, De Benoist »

« Du mesme jour, a esté baptizé par moy prestre soussigné Jeanne, née en légitime mariage le 6e du présent mois, fille de Joseph Noreto Dumont, timballier de Sa Majesté britannique, et de Jeanne Ragouette, ses père et mère, de cette paroisse, le parein Pierre Garrey, marchand de vin, la mareine Magdelaine Courseville, veuve de Pierre Ormont, laquelle a déclaré ne scavoir signer, le parein a signé.
Pierre Garet, Geoghegan »

« Ce jourd’huy trentiesme decembre, a esté baptizée par moy prestre vicaire soussigné Elizabeth Winifride, née en legitime mariage le jour precedent, fille de Jean Bevan, valet de pied de la reine d’Angleterre, et d’Anne Horton, ses pere et mere, anglois de nation, le parein Jean Hatfield, officier du roy d’Angleterre, la mareine Elizabeth Elcoun, femme de Michel Benefeld, barbier de Sa Majesté britannique, lesquels ont signé.
John Hatefield, Elizabeth Bedingfild
Trinité »

« Ce jourd’huy vingt septiesme decembre, a esté baptizée dans la chapelle du chateau vieil de ce lieu par monsieur l’abbé Ronchi, aumosnier de Leurs Majestez britanniques, Marie Louise, née en legitime mariage le jour precedent, fille de Richard Biddulph, gentilhomme de la chambre du roy d’Angleterre, et de Marie Arture, ses pere et mere, de cette paroisse, le parrein haut et puissant seigneur monseigneur Jacques, duc de Berwik, la mareine serenissime princesse Louise Marie, fille de tres haut et vertueux monarque Jacques Stuard, second du nom, roy de la Grande Bretagne, et de tres excellente et religieuse princesse Marie d’Est, duchesse de Modenne et reine d’Angleterre, son epouze, ses pere et mere, lesquels ont signé en presence et du consentement de messire Jean François de Benoist, docteur de la maison de Sorbonne, prieur et curé de ce lieu, doyen de Chateaufort, lequel a apporté les saintes huisles revestu d’etolle et surplis, et a signé avec le pere present.
Louisa Maria
Le duc de Berwick
Rich. Biddulph, P. Ronchi
De Benoist »

« Du mesme jour, a esté baptisée par moy prestre soubsigné Elizabeth, née en legitime mariage le jour precedent, fille de Robert Mastinne, cocher du roy d’Angleterre, et de Rebeca Haupper, ses pere et mere, le parain Thomas Jolly, valet de chambre de M. Striklande, la marainne Marie Smamwood, femme d’André Smanwood, cocher du mesme roy, de cette paroisse, lesquels ont signé avec le pere present.
Tho. Jolly, Mary Smallwood
Robert Mustin, Geoghegan »

« Du mesme jour, a esté baptizé par monsieur l’abbé Inese, aumosnier de Leurs Majestez britanniques, soussigné, dans la chapelle du du chateau vieux de ce lieu, Jacques, né en legitime mariage le jour precedent, fils de Dominique Dufour, valet de chambre de la reine d’Angleterre, et de Rebecca Elizabeth Menzair, ses pere et mere, de cette paroisse, le parrein Son Altesse royalle monseigneur le prince de Galles, fils aisné de tres hault et puissant monarque Jacques second, roy de la Grande Bretagne, et de tres vertueuse et religieuse princesse Marie d’Est, ses pere et mere, la mareine madame la comtesse de Perth, dam d’honneur de la reine, lesquels ont signé en presence et du consentement de messire Jean François de Benoist, docteur de la maison de Sorbonne, prieur et curé de ce lieu, lequel a apporté les saintes huisles revestu d’etolle et surplis, et a signé avec le pere present.
Jacques P.
La conttess de Perth
L. Ines, Dufour
De Benoist »

« Ce jourd’huy neufviesme novembre, a esté fait et solemnizé en face de nostre mere sainte Eglize par moy prestre soussigné, commis à cet effet par monsieur le prieur, le mariage de Warcomb Pierpont, huissier de la chambre de la reine d’Angleterre, veuf de Marie Lambet, d’une part, et d’Elizabeth Venables, veuve de Jean Honstilde, d’autre, de cette paroisse, après les trois publications de bans faites aux prosnes des grandes messes paroissialles les 28, 31e octobre dernier et premier du present mois, les fiancailles faites le jour precedent, le tout sans aucune opposition et en presence de Georges Blais, perruquier, Elie Jeorsme, carillonneur, de cette paroisse, lesquels ont signé avec l’epoux et l’epouze.
W. Pierrepont
Umliss, Piegdorm
George Blay, Dromgole »

« Du mesme jour, a esté baptizé dans la chapelle du du chateau vieux de ce lieu par monsieur l’abbé Ronchy, aumosnier de Leurs Majestez britanniques, François, né en legitime mariage le jour precedent, fils de Jean Copley, gentilhomme anglois, et de Henriette Conquest, ses pere et mere, de cette paroisse, le parrein haut et puissant prince monseigneur Jacques François Edouard, prince de Galles, fils aisné de haut et puissant prince Jacques second, roy d’Angleterre, et de tres vertueuse et religieuse princesse Marie d’Est de Modenne, son epouze, la mareine haute et puissante dame madame la comtesse d’Amilton, gouvernante de Son Altesse madame la princesse d’Angleterre, lesquels ont signé avec le pere present, le tout en presence et du consentement de messire Jean François de Benoist, prestre, docteur de la maison de Sorbonne, prieur et curé de ce lieu, lequel a apporté les saintes huisles revestu d’etolle et surplis, et a signé.
Jacques P.
K. Middleton
De Benoist, John Copley
P. Ronchi »

« Du mesme jour, a esté baptizée en la chapelle du du chateau vieux de ce lieu par monsieur l’abbé Inese, aumosnier de Leurs Majestez britanniques soussigné, Marie Ursulle, née en legitime mariage le mesme jour, fille de Jean Kearny, gentilhomme irlandois, et de Anne Blake, ses pere et mere, de cette paroisse, la mareine tres haute et vertueuse princesse Marie d’Est, princesse de Modene, epouze de tres haut et puissant monarque Jacques second du nom, roy de la Grande Bretagne, laquelle a signé en presence et du consentement de messire Jean François de Benoist, prestre, docteur de la maison de Sorbonne, prieur et curé de ce lieu, lequel a apporté les saintes huisles revetu d’etolle et surplis, et a aussy signé avec le pere present à la ceremonie.
Maria R.
L. Ineses
De Benoist, Jean Kearney »

« Ce jourd’huy vingt troisiesme octobre, a esté fait et solemnizé en face de nostre mere sainte Eglize par moy prestre, vicaire soussigné, le mariage de Henry Kerby, valet d’ecurie du roy d’Angleterre, veuf de Marie Heill, d’une part, et de Rose Marie O’Mally, veuve de Tulle Bein, d’autre part, tous deux de cette paroisse, irlandois de nation, apres la publication d’un ban faitte en cette eglize le 29e septembre dernier et les parties ayant obtenu dispence de Son Eminence monseigneur le cardinal de Noailles, archevesque de Paris, en datte du vingtiesme du present mois, signée Pirot, grand vicaire, et plus bas Chevallier, les fiancaille faittes ledit jour vingtiesme, le tout sans aucune opposition et en presenc de Charles Magdane, palfrenier de la reine, irlandois, Thomas Geoghagam, Nicolas Desprez, prestres habituez de cette paroisse, et Pierre Parmantier, tesmoings, lesquels ont signé avec l’epoux. L’epouze a declaré ne scavoir signer, CharlesMagdane a declaré aussy ne scavoir signer.
Henry Kerby, Tho. Geoghegan, Desprez
P. Parmantier, Trinité »

« Led. jour, fut baptizé Louys, filz d’honnorable homme Jehan Delalande, jardinier du Roy en son petit bois, et de Perrette Bougars, le parrain Louys de Bourbon, roy de France et de Navarre, par messire Pompone Manuel, escuier et maistre d’hostel ordinaire de Sad. Majesté, qui a donné le nom par commandement de Sad. Majesté, la marraine Anne Legrand, fille de maistre René Legrand le jeune, procureur du Roy en la maistrise particuliere et prevosté de Sainct Germain en Laye. »

« Du mesme jour, a esté baptizé dans la chapelle du du chateau vieil de ce lieu par monsieur l’abbé Inese, aumosnier de Leurs Majestez britanniques, Jacques Edouard, né en legitime mariage le mesme jour, fils de Gerard Dillon, colonel irlandois, et de Marie Hamilton, ses pere et mere, de cette paroisse, le parein serenissime prince Jacques François Edouard, prince de Galles, fils aisné de tres haut, tres puissant et religieux monarque Jacques second, roy d’Angleterre, d’Ecosse et d’Irlande, et de tres vertueuse princesse Marie d’Est de Modenne, reine d’Angleterre, son epouze, la mareine haute et puissante dame madame Gordon, epouze de monsieur le comte de Perth, gouverneur de Son Altesse royalle monseigneur le prince de Galles, lesquels ont signé en presence et du consentement de maistre Michel Trinité, vicaire, lequel a apporté les saintes huisles revetu d’etolle et surplis, et a signé.
Jacques P.
La contess de Perth
L. Inese, Trinité »

« Du mesme jour, a esté baptizée en la chapelle du du chateau vieil de ce lieu par monsieur l’abbé Roncky, aumosnier de Leurs Majestez britanniques, Louise Marie, née en legitime mariage, fille de Hugues Colonel MacMahon, irlandois, et de Catherine Beetagh, ses pere et mere, de cette paroisse, la mareine serenissime princesse madame Louise Marie, princesse d’Angleterre, fille de tres haut et puissant prince Jacques second, roy de la Grande Bretagne, et de tres vertueuse princesse Marie d’Est de Modenne, son epouze, laquelle a signé en presence et du consentement de maistre Michel Trinité, prestre, vicaire de ce lieu, lequel a apporté les saintes huisles revestu d’etolle et surplis, et a signé.
Louise Marie
Perth
Trinité, P. Ronchi »

« Du mesme jour, a esté baptizée par moy prestre vicaire soussigné Denize, née en legitime mariage le jour precedent, fille de François Maurisset, cordonnier, et de Marie Noelle Skin, ses pere et mere, le parein Pierre Dufour, rotisseur de la Bouche du roy d’Angleterre, la mareine Denise Duhamel, fille de Guillaume Duhamel, voiturier, et de Marie Paumoer, tous de cette paroisse, qui ont signé.
Pierre Dufour
Denis Duhamel, Trinité »

« Ce jourd’huy onziesme septembre, a esté baptizée dans la chapelle du chateau vieil de ce lieu par monsieur l’abbé Inese, aumosnier de Leurs Majestez brittanniques, soussigné, Marie Winifrid, née en legitime mariage le jour precedent, fille d’Ignace Guillaume Henry Pary, maistre d’hostel ordinaire du roy d’Angleterre, et de Margueritte Eleonore Rouget, ses pere et mere, de cette paroisse, la mareine tres excellente et vertueuse princesse Marie d’Est, princese de Modene, epouze de tres haut et puissant monarque Jacques second, roy d’Angleterre, laquelle a signé en presence de maistre François Gaultier, sou vicaire de cette paroisse, lequel a apporté les saintes huisles revestu d’etolle et surplis, et a signé avec le pere present.
Maria R.
Parry, L. Ineses, F. Gaultier »

« Ce jourd’huy vingt huitiesme aoust, a esté baptizée par moy prestre sou vicaire soussigné Marie Françoise, née en le 26e du present mois, fille de François Meinard, officier de la Bouche du roy d’Angleterre, et de Marie Deslauriers, ses pere et mere, de cette paroisse, le parein Laurent Dupuy, gentilhomme de Son Altesse royalle monseigneur le prince de Galles, la mareine Marie Skinell, epouze de Jacques de Labadie, premier valet de chambre de Sa Majesté britannique, lesquels ont signé avec le pere present.
L. Dupuy, Mary Delabaie, François Miner
F. Gaultier »

« Ce jourd’huy quatorziesme jour d’aoust, a esté baptizée dans la chapelle du chateau vieil de ce lieu par monsieur l’abbé Ronchy, aumosnier du roy et de la reine d’Angleterre, soussigné, Jacques, né en legitime mariage ce mesme jour, fils de Eugene Callanant, capitaine dans les trouppes de Sa Majesté britannique, et de Marie Schelton, ses pere et mere, de cette paroisse, anglois de nation, le parein serenissime prince Jacques Edouard, prince de Galles, fils aisné d’Angleterre, de tres haut et tres puisant monarque Jacques second, roy de la Grande Bretagne et de tres illustre et vertueuse princesse Marie d’Est, son epouze, la mareinne haute et puissante dame madame la comtesse de Middleton, lesquels ont signé en presence et du consentement de messire Jean François de Benoist, prestre, docteur de la maison de Sorbonne, prieur et curé de ce lieu, qui a apporté les saintes huisles revestu d’etolle et surplis, et a aussy signé.
Jacques P.
De Benoist, K. Middleton
P. Ronchi »

« Ce jourd’huy troisiesme aoust, a esté fait et solemnizé en face de nostre mere sainte Eglize par moy prestre soussigné le mariage de Thomas Fox, enfant de la Bouche du roy d’Angleterre, fils de Matthieu Fox et de Margueritte Kenik, irlandois de nation, d’une part, et de Suzanne Atkins, fille de Thomas Atkins, chef de la Bouche du roy d’Angleterre, et de Margueritte Nicols, angloise, d’autre part, de cette paroisse, après la publication d’un ban faitte au prosne de la grand messe paroissialle le 25e juillet dernier passé, et apres avoir obtenu dispense des deux autres publications de monseigneur l’eminentissime cardinal archevesque de Paris, les fiancailles faittes le jour precedent, le tout sans opposition et en presence de Richard Thomas, Jacques Mainais, Thomas Atkins, pere de l’epouze, de Nicolas Deblois, Jean Laroche, lesquels ont signé avec l’epoux et l’epouze.
Thomas Ffox, Susan Atkins
Thomas Atkins, Rich. Thomas, Jacques Menis
Deblois, Roche, F. Gaultier »

« Du mesme jour, a esté baptizé par moy prestre soussigné Jacques, né en legitime mariage le mesme jour, fils d’Edouard Douglas, palfrenier du roy d’Angleterre, et de Marie Lock, ses pere et mere, irlandois de nation, de cette paroisse, le parein Denis Brean, valet de chambre de millord Midleton, la mareine Anne Macknamara, femme de Tem Dealey, gantier, lesquels ont signé avec le pere present.
Denis O’Bryne
Edw. Dowglas, Geoghegan »

« Ce jourd’huy dix neufviesme jour de juillet mil sept cent, a esté fait et solemnizé en face de nostre mere sainte Eglize par moy prestre, docteur de la maison et societé de Sorbonne, prieur et curé de Saint Germain en Laye, soussigné, le mariage de tres haut et puissant prince Henry Fitzjames, duc d’Albermare, comte de Rochefort, baron de Rhumné, d’une part, de cette paroisse, et d’illustre damoiselle Marie Gabrielle d’Audebert de Lussan, fille de haut et puissant seigneur messire Jean d’Audebert, comte de Lussan Valcroix, seigneur de Brignon, chevalier des ordres du roy, et de haute et puissante dame Françoise de Raymond, son epouze, d’autre part, de la paroisse de Saint Sulpice de Paris, apres la publication d’un ban faitte tant en cette paroisse qu’à Saint Sulpice au prosnes de la grande emsse paroissialle le dix huit du present mois, et apres avoir obtenu dispense des deux autres publications de Son Eminence monseigneur le cardinal de Noailles, archevesque de Paris, duc et pair de France, et les fiançailles faittes le jour precedent dix huit du present mois, le tout sans aucune opposition et en presence de haut et puissant monseigneur le duc de Berwik, pair d’Angleterre, lieutenant general des armées de Sa Majesté britannique et frere de l’epoux, messire Jean d’Audibert, cy devant nommé, de dame Françoise de Raymond, pere et mere de l’epoux, et de madame Anne Bulkeley, duchesse de Berwik, lesquels ont tous signé avec l’epoux et l’epouze.
Henry FitzJames, duc d’Albermarle
Marie Gabrielle d’Audibert de Lussan
Lussan, Marie Françoise de Raymond de, comtesse de Lussan
Jacques FitzJames, duc de Berwick
Anne Bulkeley, duchesse de Berwick
De Benoist, Middleton »

« Du mesme jour, a esté inhumée dans cette eglize dame Marie Surkot, aagée de [vide] ans, gouvernante de Son Altesse royalle madame la princesse de Galles, femme de messire Jean Stafford, vice chambellan de la reine d’Angleterre, decedée le jour precedent, messe haute, prieures et suffrages accoutumez chantez pour le repos de son ame en presence de maistres Nicolas Desprez, prestre, et Pierre Parmantier, diacre, qui ont signé.
P. Parmantier, Desprez »

« Le vingt huictiesme jour dud. mois, il se feit en ce lieu la procession generalle de l’ouverture du jubilé envoyé de Sa Saincteté et par mandement de monseigneur l’illustrissime cardinal de Lion, grand aumosnier de France, publié pour le Roy, la Royne et la court, et par M. le nonce de Sa Saincteté addressé à me Claude Benoist, prestre et curé dud. lieu pour les parroissiens, et a esté lad. procession fort celebré, à laquelle a assisté le Roy, la Royne, messieurs les cardinaux de Richelieu et de Lion, son frere, monsieur d’Auxerre, premier aumosnier du Roy, et plusieurs autres evesques et prestres. Voilà l’ordre de lad. procession, c’est que monsieur le curé avec ses ecclesiastiques, tous revestus de chappes, ont esté apres les peres recolets, qui alloient les premiers en ordre de procession, puis apres suivoient les habitans de ce lieu, apres suivoient tous les chantres de la chappelle, tous en habit decent, scavoir est ung chacun avec le surplis, le bonnet quarré, chantans les letanies en musicque. Apres les chantres suivoit Sa Majesté, assistée des susdicts cardinaux. Les evesques preceddoient le Royne. Suivoit Sa Majesté et puis tous les seigneurs et dames qui estoient en court, toutes les gardes de Sad. Majesté, scavoir est les Cent Suisses et gardes du corps estoient devant les archers, qui marchoient en ordre entre lesd. habitans et chantres de la chapelle. On fis faire une station en l’eglise desd. peres recolets, où Leurs Majestez entendirent la messe, qui fut dicte par monsieur de Boulongne, prestre et chappellain ordinaire de Sad. Majesté. Pendant lad. messe, qui fut dicte basse, la musicque chanta quelques motets et puis la procession s’en revint en l’eglise parochialle dud. Saint Germain d’où elle estoit partie, mais non pas en l’ordre qu’elle estoit partie, car il ne se feit qu’un corps de procession par commandement expres de Sad. Majesté, toutes les gardes tant archers, du corps que suisses marchoient les premiers, hormis deux gardes qui estoient proches de Sadicte Majesté. Apres les peres recolets suivoient en ordre de procession en ordre de procession. Apres marchoient les curé et ecclesiastiques dud. lieu de Sainct Germains, suivis des chantres de la chappelle qui continuoient les letanies en musicque, qui estoient chantées par deux pages de la chappelle, et de tous les seigneurs et ames de la court et desd. habitans, et en cet ordre reviendrent à l’eglise parochialle où furent achevées les letanies avec le cœur Domine, salvum fac regem fut chanté avec les oraisons Que sumus omnipotens Deus et famulus Ludovicus, et Deus refugium nostrum et virtus. Et ainsi finit lad. procession. »

« Ce jourd’huy vingt septiesme juin, a esté baptizé par moy prestre, docteur de la maison de Sorbonne, prieur et curé de ce lieu, soussigné, Jean Paul, né en legitime mariage le jour precedent, fils de messire Jean Stafford, vice chambellan du roy d’Angeleterre, et de Marie Southcot, ses pere et mere, le parein messire Jean Carelle, secretaire de la reine d’Angleterre, la mareinne haute et puissante dame madame la contesse de Middleton, lesquels ont signé.
Marie Stafford, Plowden, Caryll
Guillaume Stafford, K. Middleton
De Benoist »

« Ce jourd’huy quatorziesme juin, a esté inhumé dans cette eglize Waltere Dormer, cocher de la reine d’Angleterre, epoux de Rebecca Cocks, aagé d’environ quatre vingt deux ans, decedé le jour precedent, vespres des morts, prieres et suffrages accoutumez chantez pour le repos de son ame en presence de maistres Nicolas Desprez, prestre, et Pierre Parmantier, diacre, qui ont signé.
Desprez
Parmantier »

« Ce jourd’huy douziesme juin, a esté baptizé dans la chapelle du chateau vieil de ce lieu par monsieur l’abbé Inese, aumosnier de Leurs Majestez britanniques, François Edouard, né en legitime mariage le jour precedent, fils d’Olivier O’Gara, colonel des dragons de la reine d’Angleterre, et de Marie Flemming, le parein haut et serenissime prince Jacques, prince de Galles, fils de tres haut et puissant monarque Jacques Stuard, second du nom, roy de la Grande Bretagne, et de tres vertueuse et excellente princesse Marie d’Est de Modene, son epouze, la mareine madame de Leez, femme d’honneur de Son Altesse royalle madame la princesse de Galles, lesquels ont signé avec le pere present, le tout en presence et du consentement de messire Jean François de Benoist, prestre, docteur de la maison et société de Sorbonne, prieur et curé de ce lieu de Saint Germain en Laye, lequel a apporté les saintes huisles revestu d’etolle et surplis et a aussy signé.
Jacques P.
Rose Magenis de Lee
De Benoist, Olivier O’Gara, L. Ineses »

« Ce jourd’huy vingt huitieme may, a esté baptizé dans la chapelle du château vieil de ce lieu par monsieur l’abbé Ronchy, aumosnier de Leurs Majestez britanniques, Jacques, né en legitime mariage le jour precedent, fils de Jean Read, chef de la fruiterie du roy d’Angleterre, et de Jeanne La Plume, ses pere et mere, le parein haut et puissant prince Jacques, prince de Galles, fils de tres haut et puissant monarque Jacques second, roy d’Angleterre, et de tres vertueuse princesse Marie d’Est, reine, son epouze, la mareine madame Sophie Bulkeley, dame d’honneur de la reine d’Angleterre, lesquels ont signé avec le pere present, en presence de messire Jean François de Benoist, prestre, docteur de la maison de Sorbonne, prieur et curé de ce lieu, lequel a apporté les saintes huisles et assisté à la ceremonie revestu d’etolle et surplis.
Jacques P.
J. Bulkeley
John Read
De Benoist, P. Ronchi »

« Du mesme jour, a esté baptizé par moy prestre soubsigné Eduard Joseph, né en legitime mariage le jour precedent, fils de François Roche, domestique de Sa Magesté, et de Marthe Pedley, ses pere et mere, le parain le sieur Charles Lyborne, gentilhomme de la chambre du roy d’Angleterre, la marainne damosielle Elisabeth Boukccingan, tous anglois et demeurant sur cette paroisse, lesquels ont signé.
Elizabith Byckeham, Cha. Leyburne
Geoghegan »

« Ce jourd’huy troizieme may mil sept cent, a esté fait et solmenisé en face de nostre mere sainte Eglise par moy prestre soubsigné le mariage de Terence Dogherty, palfrenier du roy d’Angleterre, fils de feu Eugene Dogherty et d’Elizabeth Sovigny, ses pere et mere, d’une part, et de Gillette Neary, fille de feus Thomas Neary et d’Helenne Purshelle, d’austre part, tous deux de cette paroisse et irlandois de nation, apres avoir faitte la publication des bans au prosne de la messe paroissialle par toris dimanches ou festes consecutifs, scavoir les dix huit, vingt cinq avril et premier may de la presente annez, les fiancailles faittes le jour precedent, le tout sans opposition en presence de Jeremie Bromer, amy, et de Barthelemy Capoche et d’Eduard Hanloy et d’Hugues Augustin Baussonnet, tous amis, lesquels ont signé avec l’epoux et l’epouse.
Gillette MacEnnery
Elizabeth Watkins, Broomer
Bart. Krappoch, Baussonnet
Edward Butter
Edward Hanly, Dromgole »

« Du mesme jour, a esté baptisé par moy prestre soubsigné Marie, née en legitime mariage le jour precedent, fille de Jean Shaw, cellier du roy d’Angleterre, et de Jeanne Perkins, ses pere et mere, le parain Thomas Bans, comis au bureau du roy, la marainne Marie Shaw, tante de la susditte baptisée, lesquels ont signé avec le pere.
Tho. Banckes
Mary Shaw
Regnault, John Shaw »

« Ce jourd’huy vingtieme avril mil sept cent, a esté fait et solemnisé en face de nostre mere sainte Eglise par moy prestre, docteur de la maison de Sorbonne, prieur et curé de ce lieu, soubsigné, le mariage de tres haut, tres puissant et tres noble prince Filtjames Jacques, duc de Berwick, paire d’Angleterre, et de damoiselle Anne Bulkley, seconde fille de tres noble et tres illustre Henry Bulkley, et de tres noble et tres illustre Sophie Stuarty, premiere dame d’honneur de la reyne d’Angleterre, tous deux de cette paroisse, apres la publication d’un ban, fait au prosne de la messe paroissialle le dix huitieme du present mois, et veu la dispence desdeux austres bans que monseigneur l’archevesque de Paris leur a accrodée datée [vide], les fiançailles faites le jour precedent, le tout sans opposition, en presence de tres noble et tres illustre Sophie Stuart, mere de l’epouse, et de milort Fitzjames, duc d’Albermalle, frere de l’epoux, et du sieur Jacques Boukelay, frere de l’epouse, et de milord Cler, colonel du regiment Cler, et du sieur Porter, chambelan du roy d’Angleterre, et du sieur Halle, gentilhomme, lesquels ont signé avec l’epoux et l’epouse.
Le duc de Berwick
A. Bulkeley
H. Bulkeley
Le duc d’Albermarle
J. Bulkeley, H. Bulkeley
Clare
C. Clare, J. Porter
De Benoist, John Hall »

« Du mesme jour, a esté baptisé par monsieur l’abbé de Ronchy, aumosnier du roy et de la royne d’Angleterre, Thomas Charles, né en legitime mariage le jour precedent, fils du sieur Thomas Wevelle, gentilhomme servant du roy d’Angleterre, et de damoiselle Jeanne Chapelle, ses pere et mere, le parain tres haut et tres puissant roy de la Grande Bretagne Jacques second, la marainne madame la duchesse Tirconelle, lesquels ont signé en presence et du consentement de messire Jean François de Benoist, prestre, docteur de la maison de Sorbonne, prieur et curé de ce lieu, lequel a apporté les saintes huiles revestu d’etolles et de surplis, et a aussi signé.
De Benoist, Jacques R.
P. Ronchi »

« Ce jourd’huy septiesme avril, a sté baptizée par moy prestre, docteur de la maison de Sorbonne, prieur et curé de ce lieu, soussigné, Marie, née en legitime mariage le troisiesme du present mois, fille Guillaume Word, domestique de monseigneur le duc de Berbik, et de Catherine Relly, ses pere et mere, le parrein haut et puissant seigneur messire Jacques, duc de Bervik, la mareine haute et puissante dame madame Marie, contesse de Perth, gouvernante de monseigneur le prince de Galles, lesquels ont signé.
La conttess de Perth
Berwick, De Benoist »

« Led. jour, furent administrez les ceremonies du sacrement de baptesme par mons. l’archevesque de Tours, en la chappelle du vieil chasteau, en ma presence et de mon consentement, ayant porté les saintes huilles de l’eglise paroissialle, à Louys, nay filz nay le douziesme may 1622 de feu noble homme Henry de Buade, en son vivant conte de Paleau, gouverneur pour Sa Majesté des chasteaux de Sainct Germain, conseiller du Roy en ses conseils et premier maistre d’hostel dud. seigneur, et de madame Anne de Phelipeaux, le parrain Louys, par la grace de Dieu roy de France et de Navarre, la marraine tres haulte princesse Henriette de Bourbon, femme de tres hault prince mons. le duc d’Elbeuf. »

« Du mesme jour, a esté baptizée par moy prestre soussigné Marie Elizabeth, née en legitime mariage le jour precedent, fille de Nicolas Leclair, palfrenier du roy d’Angleterre, et de Marie Leclair, ses pere et mere, le parein Philippes Davia, fils de monseigneur le comte d’Almont, et de dame Marie Victoire de Montecuculli, son epouze, la mareine Elizabeth Maguenes, fille du sieur Arms Maguenes, ecuyer de la reine d’Angleterre, et d’Elizabeth Fitgeralde, ses pere et mere, de cette paroisse, lesquels ont signé.
Filipe Davie d’Almond, Elizabeth Magenis
Desprez »

« Ce jourd’huy quinziesme mars, a esté baptizé dans la chapelle du chateau vieil de ce lieu par monsieur l’abbé Inese, aumosnier du roy et de la reine d’Angleterre, soussigné, Henry Edouard, né en legitime mariage le jour precedent, fils de Henry Thorol, officier dans les trouppes de Sa Majesté britannique, et de Jullienne Aschetonne, ses pere et mere, de cette paroisse, le parein serenissime prince Jacques, fils de tres haut et tres puissant monarque Jacques second, roy d’Angleterre, et tres haute et vertueuse princesse Marie d’Est, son epouze, et prince de Galles, la mareine haute et puissante dame madame Bulkeley, dame d’honneur de la reine d’Angleterre, lesquels ont signé en presence et du consentement de messire Jean François de Benoist, prestre, docteur de la maison de Sorbonne, prieur et curé de ce lieu, lequel a apporté les saintes huisles revetu d’etolle et surplis et a aussy signé.
Jacques P.
J. Bulkeley
L. Ineses
De Benoist »

« Du mesme jour, a esté baptizé dans la chapelle du chateau vieil de ce lieu par monsieur l’abbé Ronchy, aumosnier de Leurs Majestez brittanniques, Marie, née en legitime mariage le troisiesme du present mois, fille de Jean Byrne, capitaine dans le regiment d’Abbemare, et de Dorothée Forde, ses pere et mere, de cette paroisse, la mareinne tres haute, tres vertueuse et religieuse princesse Marie d’Est, epouze de tres haut et tres puissant prince Jacques second, roy d’Angleterre, d’Ecosse et d’Irlande, laquelle a signé en presence et du consentement de messire Jean François de Benoist, prestre, docteur de la maison de Sorbonne, prieur et curé de ce lieu de Saint Germain en Laye, lequel a apporté les saintes huisles revestu d’etolle et surplis et a aussi signé.
Maria R.
P. Ronchi
Jean Birne
De Benoist »

« Ce jourd’huy seizieme fevrier, a esté fait et solemnizé en face de notre mere sainte Eglize par moy prestre, docteur de la maison de Sorbonne, prieur et curé de ce lieu de Saint Germain en Laye soussigné, le mariage de Dominique Dufour, ecuyer, valet de chambre de la reine d’Angleterre, fils de Dominique Dufour, aussy ecuyer, valet de chambre de la reine, et d’Estiennette Martin, ses pere et mere, d’une part, et de damoiselle Rebecca Menzies, fille de Jacques Menzies, ecuyer, argentier de la maison du roy d’Angleterre, et de Henriette Marie Tarker, ses pere et mere, d’autre part, tous deux de cette paroisse, apres la publication d’un ban faicte au prosne de la grande messe de paroisse le septiesme du present mois et ayant obtenu dispense des deux autres publications de monseigneur l’archevesque de Paris en datte du neufviesme dudit mois, les fiancailles faittes le jour precedent, le tout sans aucune opposition et en presence de Dominique Rougé, officier du roy d’Angleterre, Robert Erwin, aussy officier, Richard Thomas, officier de la reine, Dominique Dufour, susdit pere de l’epoux, et de Jacques Menzies, père de l’epouze, et de maitre François Gaultier, prestre, lesquels ont signé avec l’epoux et l’epouze.
Dufour, Minzes, Dufour, Ja. Menzies
D. Rougez, Rich. Thomas, Rob. Irwin
Etiennette Martin, Henreta Maria Jooker
F. Gaultier, Anne Rodwon
Atkins, Elezabeth Lesczetin
De Benoist »

« Du mesme jour, a esté baptizé par moy prestre, docteur de la maison de Sorbonne, prieur et curé de ce lieu, Louis, né en legitime mariage le dix du present mois, fils de Louis Bolleville, genddarme, et de Marie Anne Mollard, ses pere et mere, de cette paroisse, le parein pour tres haut, tres illustre et victorieux monarque Louis quatorizesme, roy de France et de Navarre, messire Henry de Mornay, chevallier des ordres du Roy, capitaine gouverneur de la ville et chasteau de ce lieu, la maraine dame Gabrielle Duguay, comtesse de Mornay, epouze de messire Eleonord, compte de Mornay, capitaine et gouverneur de ce lieu, laquelle a tenu au nom de tres haute et illustre princesse Marie Adelaide, princesse de Savoye, epouze de tres haut et illustre prince Louis, duc de Bourgogne, lesquels ont signé avec le père present audit baptesme.
Henry de Mornay Monchevrel
Dugué de Mornay
Louis Bolleville, De Benoist »

« Ce jourd’huy treiziesme fevrier, a esté fait et solemnizé par moy prestre vicaire soussigné le mariage de Michel Bedinfeid, valet de chambre de Sa Majesté britannique, veuf d’Elizabeth Plompson, d’une part, et d’Elizabeth Lea, fille de Guillaume Lea, deffunt, et de Anne Hilbard, ses pere et mere, d’autre part, tous deux anglois de nation, de cette paroisse, apres la publication d’un ban faitte au prosne de la grande messe paroissiale le septieme du present mois et apres avoir obtenu dispense des deux autres de monseigneur l’archevesque de Paris en datte du neuf du mesme mois, les fiancailles faittes le jour precedent, le tout sans aucune opposition et en presence de Thomas Heywood, valet de chambre de Saditte Majesté britannique, Guillaume Chauvois, valet de garde robbe, Jean Bevims, valet de pied de Sa Majesté britannique, Pierre Parmantier, diacre, qui ont signé.
Mich. Bedingfeild, Elizabeth Lea
Tho. Heywood
G. Chauvoys, John Bevan
P. Parmantier, Trinité »

« Ce jourd’huy neufviesme fevrier, a esté solemnizé en face de nostre mere sainte Eglize par moy prestre soussigné, docteur de la maison de Sorbonne, prieur et curé de Saint Germain en Laye, le mariage de Jean Prieur, ecuyer, valet de chambre du roy d’Angleterre, fils de deffunts Jean Prieur et de Margueritte Dubois, ses pere et mere, d’une part, et de damoiselle Magdelaine Favanne, fille de deffunt Antoine Favanne, ecuyer, lieutenant des chasses du roy d’Angleterre, et de damoiselle Cecille Hebert, ses pere et mere, d’autre part, tous deux de cette paroisse, apres les trois publications de bans faittes aux prosnes des grandes messes paroissialles le dix septiesme, vingt quatriesme et dernier jour de janvier dernier passé, les fiancailles faittes le jour precedent, le tout sans aucune opposition et en presence de Christophe Willams, officier du roy d’Angleterre, Jacques de Labadie, premier valet de chambre du roy d’Angleterre, Marie Anne Skinard, femme dudit sieur Jacques de Labadie, de damoiselle Cecille Hebert, mere de l’epouze, Estiennette Martin, femme de Dominique Dufour, valet de chambre de la reine d’Angleterre, et François Gautier, prestre, et autres parents et amis qui ont signé avec l’epoux et l’epouze.
Prieur, Magdelaine Favane
Christophe Williams, Cecille Hebert
De Labadie, Marye Skimer
Etiennette Martin, De Benoist
Anne Robert »

« Ce jourd’huy cinquiesme janvier, a esté inhumée dans cette eglize Anne Halles, aagée de trente sept ans, femme d’Henry Kerby, postillon du roy d’Angleterre, decedée le jour precedent, messe haute, prieres et suffrages accoutumez chantez pour le repos de son ame n presence de maitres Nicolas Desprez, prestre, Pierre Parmentier, diacre, sacristain, et d’Henry Kerby, son mary, lesquels ont signé.
Henry Kerby, P. Parmentier »

« Ce jourd’huy vingt huitiesme decembre, a esté baptizé dans la chapelle du chateau vieil de ce lieu par monsieur l’abbé Inese, aumonier de la reine d’Angleterre, soussigné, Jean Louis, né en legitime mariage le jour precedent, fils de Charles Molsa, comte de Molsa, et de Veronique Angelotti, ses pere et mere, le parrein haut et puissant seigneur messire Jacques, duc de Berwik, la mareine serenissime princesse Marie Louise d’Angleterre, fille de tres haut et tres puissant et religieux prince Jacques, roy de la Grande Bretagne, et de tres haut et vertueuse princesse Marie d’Est, son epouze, lesquels ont signé avec le pere present, en presence et du consentement de messire Jean François de Benoist, prestre, docteur de la maison de Sorbonne, prieur et curé de ce lieu, lequel a apporté les saintes huisles revestu d’etolle et surplis.
Louisa Maria, De Benoist, L. Ineses
Le duc de Berwick, Charle de Molza »

« Du mesme jour, a esté baptizé par moy prestre soussigné, docteur de la maison de Sorbonne, prieur et curé de ce lieu, Marie René, né en legitime mariage le jour precedent, fils de Gaspard Leconte, valet de pied de la reine d’Angleterre, et de Jeanne Flechy, ses pere et mere, le parrein René MagDanelle, gentilhomme de la chambre du roy d’Angleterre, la mareine madame la comtesse d’Almont, dame d’honneur de la reine d’Angleterre, tous demeurants en cette paroisse, qui ont signé avec le pere present.
R. MacDonell
Vittoria Montecucoli d’Avia d’Almond
Gaspart Leconte, De Benoist »

« Le vingt deuxiesme jour dud. mois, mourut en ce lieu, le Roy y estant, noble homme me Pierre Hurault de L’Hospital, conseiller d’Estat, apres avoir receu les saincts sacrements à l’eglise, scavoir de penitence, eucharistie et de l’extreme onction, le corps duquel, suivant son testament et ordonnance de derniere volonté, fut porté à Belesbat, et son cœur et entrailles furent inhumés en ce lieu, devant l’autel Sainct Nicolas. »

« Du mesme jour, a esté baptizé par moy prestre soussigné, docteur de la maison de Sorbonne, prieur et curé de ce lieu, Louis, né en legitime mariage le vingt quatre du present mois, fils de David Nairne, secretaire de monsieur Carelle, ministre d’Etat de Sa Majesté britannique, et de dame Elizabeth de Compigny, ses pere et mere, le parrein messire Louis Inese, prestre, aumosnier de la reine d’Angleterre, la mareine dame Anne Daniel Audeley, epouze de messire Jacques Porter, vice chambellan de Saditte Majesté britannique, tous de cette paroisse, qui ont signé avec le pere present.
L. Ineses, Ann Hodley Porter
Nairne, De Benoist »

« Ce jourd’huy douziesme decembre, a esté baptizée par moy prestre vicaire soussigné, Elizabeth, née en legitime mariage le dixiesme du present mois, fille de Georges Middleton, apoticaire de Leurs Majestez britanniques, et de Marie Chappelain, ses pere et mere, le parrein monseigneur le comte de Perth, gouverneur de Son Altesse royalle monseigneur le prince de Galles, la mareine dame Elizabeth Ronchy, femme de messire Guillaume Waldegrave, chevallier et medecin de Leurs Majesez brittanniques, lesquels ont signé avec le pere present.
George Middelton, le comte de Perth
Trinité, Isabella W. »

« Du mesme jour, a esté baptizée par moy prestre vicaire soussigné Marie, née en legitime mariage le premier du present mois, fille de Jean Botten, brasseur anglois, et de Margueritte Reyan, le parrein Michel Welche, palfrenier du roy d’Angleterre, la mareine Roze Meslier, veuve de Jean Borne, tous de cette paroisse, lesquels ont declaré ne scavoir signer.
F. Gaultier »

« Ce jourd’huy vingt neufviesme novembre, a esté baptizée par moy prestre, sou vicaire soussigné, Marie, née en legitime mariage le 27e du present mois, fille d’André Morrogh, ecuyer, avocat pour le roy d’Angleterre de la ville de Kinsale, et de Marie Salle, le parrain Charles MacArthie, ecuyer, chef du Gobelet du roy d’Angleterre, la mareine Heleine Sall, femme de millord Dunkelle, tous de cette paroisse, ecossois de nation, qui ont signé avec le pere present.
Charles MacArtie, Dunkeld, Andrew Morrogh
F. Gaultier »’