« Le 25 jour de febvrier 1637, le Roy arriva à Saint Germain en Laye et y sejourna jusques au 5e jour de mars, qui font en tout 9 jours.
[…]
Le mesme jour [27 avril], le Roy partit de ce lieu de Saint Germain en Laye pour aller à Versailles, y coucha deux nuicts et revint aud. lieu la veille Saint Jacques Saint Philippe.
[…]
Le 11e jour [de mai], le Roy partit de Saint Germain pour aller à Versaille.
[…]
Le mesme jour [15 mai], le Roy revint de Versailles à Saint Germain.
[…]
Le 19e, le Roy partit de Saint Germain pour aller à Versailles.
[…]
Le mesme jour [17 octobre], le Roy arriva sur le soir à Saint Germain en Laye.
[…]
Le 28e, le Roy partit de Saint Germain pour aller à Versaille.
[…]
Le mesme jour [31 octobre], le Roy est revenu de Versaille à Saint Germain.
[…]
Le 2e jour [de novembre], le Roy partit de Saint Germain pour aller à Versailles apres avoir demeuré deux jours audict lieu de Saint Germain.
[…]
Le mesme jour [9 novembre], le Roy arriva à Saint Germain en Laye.
[…]
Le mesme jour [20 novembre], le Roy partit de Saint Germain pour aller à Versaille.
[…]
Le mesme jour [23 novembre], le Roy revint de Versaille à Saint Germain.
[…]
Le mesme jour [30 novembre], le Roy partit de Saint Germain pour aller à Versailles.
[…]
Le mesme jour [7 décembre], le Roy est revenu à Saint Germain en Laye.
[…]
Le mesme jour [19 décembre], le Roy partit de Saint Germain pour aller à Versailles.
[…]
Le 23e jour de decembre, le Roy revint de Versailles à Saint Germain.
[…]
Le mesme jour [18 février 1638], le Roy partit de Saint Germain pour aller à Versailles.
Le 19e, le Roy revint de Versailles à Saint Germain.
[…]
Le 22e, le Roy partit de Saint Germain pour aller à Versaille.
[…]
Le mesme jour [26 février], le Roy revint de Versaille à Saint Germain.
[…]
Le 3e jour de mars, le Roy partit de Saint Germain pour aller à [vide].
[…]
Le 9e jour de mars, le Roy revint de son voyage d’Escouan à Saint Germain.
[…]
Le mesme jour [22 mars], le Roy partit de Saint Germain en Laye pour aller à Versaille.
Le 23e jour, le Roy revint de Versaille à Saint Germain en Laye.
[…]
Le 5e jour d’avril, le Roy partit de Saint Germain pour aller à Versailles.
[…]
Le 8e jour d’avril, le Roy revint de Versailles à Saint Germain.
[…]
Le mesme jour [26 avril], le Roy partit de Saint Germain pour aller en Picardie.
[…]
Le 21e jour [de mai], le Roy revint de Compiegne icy.
[…]
Le mesme jour [27 mai], le Roy alla à Versailles.
Le 28e jour, le Roy revint de Versailles à Saint Germain.
[…]
Le 14e jour de juin, le Roy partit de Saint Germain pour aller à Fontainebelleau.
[…]
Le 19e jour de juin, le Roy revint de Fontainebelleau à Saint Germain.
[…]
Le 19e jour de juillet, le Roy partit de Saint Germain pour aller à l’armée.
[…]
Le mesme jour [18 août], le Roy est revenu de l’armée à Saint Germain.
[…]
Le mesme jour [20 août], le Roy s’en alla à son chasteau de Versailles.
[…]
Le mesme jour [22 août], le Roy revint de Versailles à Saint Germain en Laye.
[…]
Le mesme jour [16 septembre], le Roy partit de Saint Germain pour aller à Escouan.
[…]
Le susdicts jour 29e de septembre, le Roy revint à Saint Germain.
[…]
Le mesme jour [6 octobre], le Roy partit de Saint Germain en Laye pour aller à Versailles.
[…]
Le 10e jour et mois susdicts, le Roy revint de Versailles à Saint Germain.
[…]
Le 27e jour dudict mois, le Roy partit de Saint Germain en Laye pour aller à Versailles.
[…]
Le 30e jour, le Roy revint de Versailles à Saint Germain.
[…]
Le mesme jour [2 novembre], le Roy partit de Saint Germain en Laye pour aller à Versailles.
[…]
Du 8e jour dudict mois, le Roy revint à Saint Germain en Laye.
[…]
Le mesme jour [15 novembre], le Roy partit de Saint Germain pour aller à Escouan.
[…]
Le 25e jour de novembre, le Roy revint de son voiage d’Escouan.
[…]
Le 30e et dernier jour dudict mois, le Roy partit de Saint Germain pour aller à Villepreux.
[…]
Le 2e jour [de décembre], le Roy revint de Villepreux à Saint Germain.
[…]
Le mesme jour [18 décembre], le Roy partit de ce lieu pour aller à Versailles.
[…]
Le mesme jour [20 décembre], le Roy revint de Versailles à Saint Germain.
[…]
Le 3e jour de janvier mil six cents trente huict [1639], le Roy partit de Saint Germain en Laye pour aller à Versailles.
[…]
Le 21e jour de janvier, le Roy revint de son voiage de Fontainebleau à Saint Germain.
[…]
Le mesme jour [23 février], le Roy partit de ce lieu de Saint Germain pour aller à Versailles.
[…]
Le 25e jour, le Roy est revenu de Versailles à Saint Germain.
[…]
Le mesme jour [4 mars], le Roy partit de Sainct Germain pour aller à Versailles.
[…]
Le 6e jour, le Roy revint de Versailles à Saint Germain.
[…]
Le jour precedent 17e de mars, le Roy partit de Saint Germain pour aller à Vigny.
[…]
Le mesme jour [19 mars], le Roy revint de son voiage de Vigny à Saint Germain.
[…]
Le 28e jour, le Roy partit de Saint Germain pour aller à Versailles.
[…]
Le mesme jour [29 mars], le Roy revint de Versailles à Saint Germain en Laye.
[…]
Le mesme jour [7 avril], le Roy partit de ce lieu pour aller à Versailles.
Le 8e jour, le Roy revint de son voiage de Versailles.
[…]
Le 9e jour de may 1639, le Roy partit de Saint Germain pour aller à Versailles.
[…]
Le 14e jour, le Roy revint de son voiage de Versailles à Saint Germain.
[…]
Le 17e jour de may, le Roy partit de Saint Germain pour aller à Versailles.
Le 18e jour, le Roy revint de son voyage de Versailles à Saint Germain.
[…]
Le mesme jour [25 mai], le Roy partit de Saint Germain pour aller au siege de Hedin.
[…]
Le mesme jour [12 novembre], le Roy revint à Saint Germain en Laye de son voyage de l’armée.
[…]
Le mesme jour [5 décembre], le Roy partit de Saint Germain pour aller à Versailles.
Le 6e jour de decembre, le Roy revint de Versailles à Saint Germain.
[…]
Le 20e jour, le Roy partit de Saint Germain pour aller à Versailles.
[…]
Le mesme jour [23 décembre], le Roy revint de Versailles à Saint Germain.
[…]
Le 17e jour de janvier [1640], le Roy partit de Saint Germain pour aller à Versailles.
[…]
Le mesme jour [21 janvier], le Roy revint de Versailles à Saint Germain.
[…]
Le premier jour de mars 1640, le Roy partit de Saint Germain pour aller à Chantilly.
[…]
Le 7e jour dudict mois, le Roy revint à Saint Germain de son voyage de Chantilly.
[…]
Le 12e jour de mars, le Roy partit de Saint Germain pour aller à Versailles.
[…]
Le mesme jour [14 mars], le Roy revint de Versailles à Saint Germain.
[…]
Le 15e jour d’avril 1640, le Roy partit de Saint Germain pour aller à Versailles.
[…]
Le dix huictiesme avril, le Roy revint de Versailles à Saint Germain en Laye.
[…]
Le mesme jour 30e avril, le Roy partit de Saint Germain pour aller à l’armée.
[…]
Le 7e jour dud. mois [de septembre], le Roy arriva à Saint Germain en Laye de son voyage d’Arras.
[…]
Le mesme jour dud. mois [15 septembre], le Roy partit de Saint Germain pour aller à Versailles.
[…]
Le 18e jour de septembre 1640, le Roy revint à Saint Germain en Laye.
[…]
Le 25e jour dud. mois, le Roy partit de Saint Germain pour aller à Escouan.
[…]
Le 1er jour dud. mois [d’octobre], le Roy revint à Saint Germain en Laye.
[…]
Le 10e jour dud. mois, le depart du Roy de Saint Germain pour Monceaux.
[…]
Le 20e jour dud. mois, le retour du Roy à Saint Germain de Monceaux.
[…]
Le 27e jour dud. mois, le depart du Roy pour aller à Versailles.
[…]
Led. jour [31 octobre], le retour du Roy à Saint Germain de Versailles.
[…]
Led. jour [10 novembre], le Roy partit de Saint Germain en Laye pour aller à Versailles.
[…]
Le 27e jour dud. mois, le Roy revint à Saint Germain en Laye.
[…]
Le 12e jour dud. mois [de décembre], le Roy partit de Saint Germain pour aller à Versailles.
[…]
Le 23e jour dud. mois, le Roy revint à Saint Germain en Laye.
[…]
Le 17e jour dud. mois [de janvier 1641], le Roy partit de Saint Germain en Laye pour aller à Versailles.
[…]
Led. jour [24 janvier], le Roy revint de Versailles à Saint Germain en Laye.
[…]
Le 27e jour dud. mois, le Roy partit de Saint Germain pour aller à Versailles.
[…]
Le 8e jour dud. mois [de février], le Roy revint à Saint Germain en Laye.
[…]
Led. jour [18 février], le Roy partit de Saint Germain en Laye pour aller à Versailles.
[…]
Le 4e jour dud. mois [de mars], le retour du Roy à Saint Germain en Laye.
[…]
Led. jour [3 avril], le Roy partit de Saint Germain en Laye pour aller à Versailles.
[…]
Le mesme jour [9 avril], le retour du Roy à Saint Germain en Laye.
[…]
Led. jour 2e dud. mois [de mai], le Roy partit de Saint Germain pour aller à Versailles.
[…]
Led. jour [7 mai], le Roy revint de Versailles à Saint Germain en Laye.
Le 8e jour dud. mois, le Roy partit de Saint Germain pour aller à Paris.
[…]
Led. jour [9 mai], le retour du Roy de Paris à Saint Germain en Laye.
[…]
Le 12e jour de may, le Roy partit de Saint Germain pour aller à Versailles.
[…]
Led. jour [13 mai], le retour du Roy de Versailles à Saint Germain.
[…]
Le 23e jour dud. mois, le Roy partit de Saint Germain en Laye pour Vigny et Abbeville à cause du siege de la ville d’Arras.
[…]
Le 5e jour dud. mois [de novembre], le Roy est revenu de l’armée d’Aras à Saint Germain en Laye.
[…]
Le 26e jour, le Roy partit de Saint Germain pour aller à Versailles.
[…]
Led. jour [30 novembre], le retour du Roy à Saint Germain en Laye de Versailles.
[…]
Le 19e jour dud. mois [de décembre], le Roy partit de Saint Germain en Laye pour aller à Versailles.
[…]
Le 22e jour dud. mois, le Roy revint de Versailles à Saint Germain en Laye
[…]
Le 28e jour dud. mois, le Roy partit de Saint Germain pour aller à Versailles.
[…]
Led. jour [31 décembre], le Roy revint de Versailles à Saint Germain en Laye.
[…]
Du cinquiesme jour de janvier [1642], le retour du Roy de Paris à Saint Germain en Laye, qui estoit allé en ladicte ville du dernier jour de decembre mil six cents quarente et un.
[…]
Le mesme jour 7e dud. mois, le Roy partit de Saint Germain pour aller à Versailles.
[…]
Le 10e jour de janvier 1642, le Roy revint de Versailles à Saint Germain.
[…]
Le mesme jour 27e, le Roy partit de Saint Germain pour aller au voiage.
[…]
Le quatorziesme jour d’aoust 1642, le Roy revint de son voyage de Narbonne à Saint Germain en Laye.
[…]
Le jour precedent dix huictiesme d’aoust, le Roy partit de Saint Germain en Laye pour aller à Chantilly.
[…]
Le vingt troisiesme jour d’octobre 1642, le Roy revint à Saint Germain en Laye.
[…]
Le dixiesme jour, le Roy partit de Saint Germain en Laye pour aller à la chasse es environs de Triel.
[…]
Le treiziesme jour de novembre 1642, le Roy revint à Saint Germain en Laye.
[…]
Le mesme jour 17e de novembre 1642, le Roy partit de Saint Germain en Laye pour aller à Versailles.
[…]
Le dix huictiesme jour de novembre mil six cents quarente deux, le Roy revint de Versailles à Saint Germain.
[…]
Le deuxiesme jour de decembre 1642, le Roy partit de Saint Germain en Lay pour aller à Paris.
[…]
Le mesme jour [5 décembre], le Roy revint de Paris à Saint Germain en Laye.
[…]
Le vingt et uniesme jour dud. mois, le Roy partit de Saint Germain pour aller à Versailles.
[…]
Le vingt troisiesme jour de decembre 1642, le Roy revint de Versailles à Saint Germain en Laye.
[…]
Le vingt neufiesme jour dud. mois 1642, le Roy partit de Saint Germain en Laye pour aller à Versailles.
Le trente et uniesme jour de decembre mil six cents quarente deux, le Roy revint de Versailles à Saint Germain en Laye.
[…]
Le cinquiesme jour de janvier mil six cents quarente trois, le depart du Roy pour aller à Versailles.
[…]
Le septiesme jour de janvier mil six cents quarente trois, le retour du Roy à Saint Germain en Laye.
[…]
Le vingt quatriesme jour de janvier 1643, le depart du Roy pour aller à Versailles.
[…]
Le vingt neufiesme jour de janvier 1643, le retour du Roy à Saint Germain en Laye.
[…]
Le huictiesme jour de febvrier 1643, le depart du Roy pour aller à Versailles.
[…]
Le unziesme jour de febvrier mil six cents quarente trois, le retour du Roy de son chasteau de Versailles.
[…]
Le quatorziesme jour de febvrier 1643, depart du Roy pour aller à Versailles.
[…]
Le dix huictiesme jour de febvrier mil six cents quarente trois, le retour du Roy à Saint Germain en Laye.
[…]
Le quinziesme jour de may mil six cents quarente trois, le Roy partit de son chasteau viel de Saint Germain en Laye, dans lequel il avoit faict son continuel sejour depuis sa naissance, assisté de la Reyne regente, sa mere, et de la pluspart de tous les susd. princes, prelats, seigneurs et officiers, conduit en bel ordre par ses gendarmes, chevaux legers, mousquetaires à cheval, les deux regiments de sa garde tant françois que suisses, pour aller faire son entrée premiere en sa ville de Paris, capitalle de son royaume, et se faire recognoistre par icelle, et en icelle par tous les Estats de France pour legitime roy et souverain. Au devant de Sa Majesté sortirent de lad. ville pour la recevoir tous les chefs principaux, eschevins et officiers de ville avec une multitude innombrable de peuple qui la receurent avec grands crys et acclamations de joye et liesse, luys rendants les hommages et submissions par eux deues et presentants les clefs de la ville avec les ceremonies accoustumées en pareilles occasions. »

« Ce jourd’huy vingt neufvieme janvier mil six cent soixante et dix huit, ont esté supplées les ceremonies du baptesme en la chapelle du chasteau viel de ce lieu par monseigneur de Quaslin, evesque d’Orleans et premier aumosnier de Sa Majesté, à Louis, aagé de douze ans ou environ et ondoié par un des prestres de Saint Sulpisse de Paris, fils de Louis François de Bouschet, marquis de Sourches, provost de l’hostel du Roy et grand provost de France, et de dame dame Marie Geneviefve de Chambez, ses pere et mere, le parrein tres haut et tres puissant prince Louis quatorzieme, roy de France et de Navarre, la marreine tres haute et tres puissante princesse Marie Thereise d’Autriche, reyne de France, lesquels ont signé, le tout en presence et du consentement de moy curé soubszsigné.
Marie Terese »

« Ce jourd’huy quatorzieme may mil six cens soixante et dix huit, a esté baptisé en la chapelle du chasteau vieil de ce lieu par monseigneur l’evesque de Langre, duc et pair de France et premier aumonier de la Reyne, Louis, né à une heure après minuit le meme jour, fils de Simon Cuvier de La Bussiere, gentilhomme ordinaire du Roy, et de Françoise Bonaventure de Valot, femme de chambre de la Reyne, ses pere et mere, le parain tres hault et tres puissant prince monseigneur le Dauphin, la mareine tres haulte et tres puissante princesse Marie Therese d’Autriche, reyne de France, lesquels ont signé, en presence et du consentement de moy curé soussigné.
Marie Terese
Louis
L. M. Ar., evesque duc de Langres
Cagnyé »

« Ce jourd’huy troiziesme d’aoust mil six cents soixante et dix huit, ont esté supplées les ceremonies de baptesme à Louise Charlotte, née le quinziesme octobre mil six cents soixante et dix sept, fille de noble homme Nicolas Dorné, sieur d’Avillier, bourgeois de Paris, et de Victoire Françoise Poisson, ses pere et mere, avec la permission de monseigneur l’archevesque en datte du dix huict du mesme mois et de la mesme année, laquelle est restée entre les mains de M. le curé de Saint Sulpice de Paris, et ainsi que nous en a asseuré led. sieur Dorné, le parain monseigneur le Dauphin, la mareine Son Altesse royale Madame, duchesse d’Orleans, le tout en la chapelle du chasteau vieil de ce lieu, par M. l’evesque de Condon, precepteur de monseigneur le Dauphin, et du consentement de moy curé sousbsigné.
Louis
Elisabeth Charlotte »

« Ce jourd’huy dix huitieme aoust mil six cent soixante et dix huit, ont esté supplées les ceremonies du baptesme en la chapelle du chasteau vieil à Louis, filz de Baltazar Poirée, escuyer, huissier ordinaire de la chambre du Roy, et de damoiselle Marie Brechon, ses pere et mere, le parain monseigneur le Dauphin, la mareine Françoise Rochechouet, femme de tres et tres puissant seigneur monsieur le marquis de Montespant, le tout par M. l’evesque de Condon, precepteur de monseigneur le Dauphin, en presence de moy curé soubsigné et de mon consentement.
Louis
Françoise de Rochechouart
J. Benigne, a. e. de Condon
Cagnyé »

« Ce jourd’huy sixieme janvier mil six cens soixante et dix neuf, ont esté supplées les ceremonies du baptesme en la chapelle du chasteau vieil par M. l’evesque duc de Langre à Marie Thereze Louise, ondoyée avec la permission de monseigneur l’archevesque, fille d’Henry de Lanbert, sieur du Change, et de dame Catherine Giotte du Dognon, les pere et mere, le parain tres haut et tres puissant prince monseigneur le Dauphin, la mareine tres haulte et tres puissante princesse Marie Thereze d’Austriche, reyne de France, lesquels ont signé, le tout en presence et du consentement de moy curé soubsigné.
Marie Terese
Louis »

« Ce dix neufviesme decembre mil six cent soixante et dix neuf, ont esté supplées les ceremonies du baptesme en la chapelle du chasteau vieil de ce lieu par Son Altesse eminentissime monseigneur Emmanuel Theodoze de La Tour d’Auvergne, cardinal de Bouillon, grand aumonier de France, à Louis, né le quatrieme fevrier de l’année [vide] et ondoyé par monsieur le curé de Saint Germain l’Auxerrois de Paris avec la permission de monseigneur l’archevesque du quinzieme du mesme mois et de la mesme année, filz de messire Gaspard d’Oneau du Vizée, si devant lieutenant des gardes du Roy et presentement premier maistre d’hotel de la Reyne, et de dame dame Marie Madelaine du Vizée, ses pere et mere, le parain tres hault, tres excellent et tres puissant prince Louis quatorzieme, par la grace de Dieu roy tres chrestien de France et de Navarre, la mareine tres haulte, tres excellente, tres puissante princesse Marie Thereze d’Austriche, reyne de France, en presence de moy curé soubsigné revestu de surplis et estole, et ont signé.
Louis
Marie Terese
Cagnyé »

« Ce jourd’huy vingt neufieme decembre mil six cent soixante et dix neuf, ont esté spplées les ceremonies du baptesme en la chapelle du chasteau vieil de ce lieu par monseigneur Benigne Bossuet, ancien evesque de Condon et precepteur de monseigneur le Dauphin, à Louis, ondoyé par monsieur le curé de Saint Eustache de Paris en datte du [vide] aoust et né le troizieme aoust mil six cens soixante et dix neuf, fils de Jacques Bilet, conseiller du Roy et payeur des rentes de l’hostel Dieu de Paris, et d’Elisabeth Le Bouteux, ses pere et mere, le parein tres haut, tres puissant prince monseigneur le Dauphin, la mareine damoiselle damoiselle July de Cursol, fille de tres hault et tres puissant seigneur monseigneur le duc de Cursol et de July de Saint More, lesquels ont signé en presence et du consentement de moy curé soubsigné.
Louis
Julie de Crussol
J. Benigne, a. e. de Condom
Cagnyé »

« Ce jourd’huy seizieme janvier mil six cens quatre vingts, a esté fait et solemnisé en face de Sainte Eglise en la chapelle du chasteau vieil de ce lieu par eminentissime monseigneur Emmanuel Theodoze de La Tour d’Auvergne, cardinal de Bouillon, grand aumonier de France, le mariage de tres hault et puissant prince Arman Louis de Bourbon, prince de Conty, prince du sang, pair de France, filz aisné de deffunts tres hault et puissant prince Arman de Bourbon, prince de Conty, prince du sang, pair de France, gouverneur lieutenant general pour Sa Majsté en la province de Languedoc, et de tres haulte et puissante princesse Anne Marie Martinozzy, son espouse, d’une part, et tres haulte et puissante princesse madmoiselle Marie Anne de Bourbon, fille naturelle et legitimée du Roy, d’autre part, apres la publication des deux premiers bans et dispence du troizieme de monseigneur l’archevesque en datte du treizieme janvier du mesme mois au prosne de la grande messe parroissiale de cedict lieu et des eglises parroissiales de Saint André des Arts et de Saint Eustache à Paris ainsi qu’il apert par les certificats des sieurs curés desdictz parroisses aussi en datte du neufvieme et quinzieme du present, qui sont demeurez entre nos mains, et les fiançailles faictes audict chasteau en l’appartement de Sa Majesté le jour de hier par mondit seigneur cardinal, ledict mariage fait en presence et sous le bon plaisir de Sa Majesté, de tres haulte, tres puissante et tres excellente princesse Marie Thereze, par la grace de Dieu reyne de France et de Navarre et epouze de Sad. Majesté, de tres hault, tres puissant et tres excellent prince monseigneur Louis, dauphin de France, de tres hault et tres puissant prince monseigneur Philippe de France, frere unique de Sadicte Majesté, duc d’Orleans, de tres haulte et tres puissante princesse madame Elizabeth Charlotte, epouse de Son Altesse royale, de tres hault et puissant prince Louis, duc de Bourbon, premier prince du sang, premier pair et grand maistre de France, duc d’Anguien, Chasteauroux et Monmorency, oncle et tuteur honnoraire, ledict mariage fait du consentement de monseigneur François de Chamvalon, archevesque de Paris, duc et pair de France, commandeur des ordres du Roy, et en presence de moy curé soubsigné revestu de mon surpelis et estole, lesquels ont signé à la reserve de monseigneur le Dauphin, de Monsieur, frere unique du Roy, de madame Elizabeth Charlotte son epouse, lesquels n’ont signé, leur rang ayant esté remply par inadvertence ; approuvé par le Roy.
Louis
Marie Terese
Louis de Bourbon
Louis Armand de Bourbon
Marie Anne de Bourbon, l. de France
Cagnyé
[…]
Ce jourd’huy seizieme janvier mil six cens quatre vingts, sur les onze heures du roi, au chasteau neuf de ce lieu, a esté faicte la benediction du lict de tres hault et puissant prince Arman Louis de Bourbon, prince de Conty, prince du sang, pair de France, filz aisné de deffunts tres hault et puissant prince Arman de Bourbon, prince de Conty, prince du sang, pair de France, gouverneur lieutenant general pour Sa Majesté en la province du Languedoc, et tres haulte et puissante princesse Anne Marie Martinozzy, son espouse, et tres haulte et puissante princesse madmoiselle Marie Anne de Bourbon, fille naturelle et legitimée du Roy, en l’appartement que Sad. Majesté avoit fait preparer pour cest effect, par eminentissime monseigneur Emmanuel Theodoze de La Tour d’Auvergne, cardinal de Bouillon, grand aumosnier de France, en presence de tres hault, tres puissant et tres excellent prince Louis quatorzieme, par la grace de Dieu roy de France et de Navarre, et tres haulte, tres puissante et tres excellente princesse Marie Thereze, par la grace de Dieu reyne de France et de Navarre et epouse de Sad. Majesté, et de tres hault, tres puissant et tres excellent prince monseigneur Louis, dauphin de France, de tres hault, tres puissant prince monseigneur Philippe de France, frere unique de Sad. Majesté, duc d’Orleans, et de tres haulte, tres puissante princesse madame Elizabeth Charlotte, epouse de Son Altesse royale, et de moy curé subsigné revestu de mon surplis et estole.
Louis
Cagnyé »

« Ce jourd’huy seizieme janvier mil six cens quatre vingts, ont esté supplées les ceremonies du baptesme en la chapelle du chasteau viel de ce lieu par Son Altesse eminentissime monseigneur Emmanuel de La Tour d’Auvergne, cardinal de Bouillon, grand aumonier de France, à Louis, filz de tres hault et puissant prince monseigneur Henry Jule de Bourbon, duc de Anguien, prince du sang, pair et grand maistre de France, gouverneur et lieutenant general pour le Roy en ses provinces de Bourgogne et Bresse, et tres haulte et puissante princesse madame Anne, palatine de Baviere, princesse du sang, duchesse d’Anguin, ses pere et mere, le parain tres hault, tres puissant et tres excellent prince Louis quatorzieme, par la grace de Dieu roy de France et de Navarre, la mareine tres haulte, tres puissante princesse madame Elizabeth Charlotte, epouse de tres hault et tres puissant prince monseigeur Philippe de France, frere unique de Sadicte Majesté, duc d’Orleans, lesquels ont signé en presence de moy curé soubsigné, revestu de surplis et estole.
Louis
Elisabeth Charlotte
Cagnyé »

« Ce jourd’huy deuzieme avril mil six cens quatre vingts, ont esté suplées les ceremonies du baptesme en la chapelle du chasteau vieil par monseigneur Benigne Bossuet, ancien evesque de Condon, precepteur de tres hault et tres puissant prince monseigneur le Dauphin et premier aumonier de tres haulte et tres puissante princesse Marie Anne Chrestienne Victoire de Bavieres, dauphine de France, à Louis, ondoyé avec la permission de monseigneur l’archevesque de Paris par monsieur le curé de Saint Germain l’Auxeroix de Paris, ainsi qu’il nous a esté asseuré par madame la duchesse de Crussol, à l’hostel de Rambouillet à Paris le seize d’octobre de l’année mil six cens soixante et dix sept, jour de sa naissance, fils de hault et puissant seigneur messire Emmanuel de Crussol, duc d’Uzes, premier pair de France, prince de Soyon, gouverneur et lieutenant general des provinces d’Angoumois et de Saintonge, colonel d’un regiment d’infanterie pour le service de Sa Majesté, et de haute et puissante dame dame Marie Julie de Sainte Maure, duchesse de Crussol, ses pere et mere, le parain tres hault, tres puissant, tres excellent prince Louis quatorze, par la grace de Dieu roy de France et de Navarre, la mareine tres haulte, tres puissante princesse Marie Anne Chrestienne Victoire de Bavieres, dauphine de France, lesquels ont signé en presence de moy curé soubsigné revestu de surplis et estole.
Louis
M.A. Chrestienne
J. Benigne, a. e. de Condom
Cagnyé »

« Ce jourd’huy huitieme avril mil six cens quatre vingts, ont esté suplées les ceremonies du baptesme en la chapelle du chasteau vieil par monseigneur Louis Marie Arman Semiane de Gorde, evesque de Langre, duc et pair de France, et premier aumonier de la Reyne, à Louis, né le vingt quatrieme de mars dernier passé, ondoyé par Barbe Le Brun, sage femme au Pecq, dans la necessité ainsi qu’elle nous l’a certifié, fils de Louis Paulin, commis aux aides aud. Pecq, et de Marguerite Daniel, ses pere et mere, le parain tres hault, tres puissant, tres excellent prince Louis, dauphin de France, la mareine tres haulte dame dame Françoise de Rochechouart, marquise de Montespan, surintendante de la maison de la Reyne, lesquels ont signé, le tout du consentement du sieur curé du Pecq donné verbalement à lad. mere de l’enfant et à moy curé soubsigné, revestu de mon surpelis et estole. »

« Le vingt quatriesme jour de septembre 1648, le Roy et la Reyne regente sa mere arriverent à Saint Germain en Laye pour y sejourner avec leur cour.
[…]
Le 30e d’octobre 1648, le Roy partit de Saint Germain en Laye pour aller passer son hiver à Paris.
[…]
Le 6e jour de janvier 1649, la feste des roys, le Roy arriva de Paris à Saint Germain en Laye sur les huict heures du matin et entendit la messe en sa chapelle du viel chasteau.
[…]
Le 30e et dernier jour d’avril 1649, le Roy et la Reyne avec toute la cour partirent de ce lieu de Saint Germain en Laye pour aller à Compiegne.
[…]
Le 27e jour d’avril 1652, le Roy arriva à Saint Germain en Laye au retour de son voiage de Poictiers.
[…]
Le 22e jour de may, le Roy partit de Saint Germain en Laye pour aller coucher à Corbeil pour le siege d’Estampes.
[…]
Le 17e jour d’octobre 1652, le Roy arriva à Saint Germain en Laye où les deputez de sa ville de Paris le vinrent trouver pour faire leur paix.
[…]
Le 21e jour d’octobre 1652, le Roy partit de Saint Germain en Laye pour aller en sa ville de Paris, apres en avoir esté tres humblement supplié par les colonels et capitaines commandants et notables bourgeois de lad. ville, venuz en corps aud. lieu de Saint Germain, bien au nombre de deux cents trente ou quarente, sans compter leur train, où ils eurent l’honneur d’estre traictez magnifiquement et sollennelement par Sa Majesté dans son viel chasteau, et visitez pendant leur disner, apres leur avoir esté donnez audience et la paix par Sad. Majesté.
[…]
Le 2e jour de juin 1653, le Roy arriva de Paris à Saint Germain en Laye.
[…]
Le 4e jour dud. mois [de juin], le Roy s’en retourna de Saint Germain à Paris.
[…]
Le 20e jour de juin 1653, le Roy arriva de sa ville de Paris en son viel chasteau de Saint Germain en Laye.
[…]
Le 30e jour de juin 1653, le Roy partit de Saint Germain en Laye pour retourner en sa ville de Paris.
[…]
Ledict jour 26e dud. mois [de décembre], le Roy arriva après midy en son chasteau viel de Saint Germain en Laye.
[…]
Led. jour 29e dud. mois, le retour du Roy dans sa ville de Paris. »

« Ce jourd’huy huitieme avril mil six cens quatre vingts, ont esté suplées les ceremonies du baptesme en la chapelle du chasteau vieil par monseigneur Louis Marie Arman Semiane de Gordes, evesque de Langre, duc et pair de France, et premier aumonier de la Reyne, à Louis, né le deuzieme d’octobre de l’année mil six cens soixante et dix huit, et ondoyé le mesme jour par monsieur de curé de Sorques ainsi que nous l’a certifié haulte dame dame Anne Marie Louise de Fiercy, marquise de Breosses, filz de hault seigneur Henry de Tiercelin, marquis de Brosses, et de lad. dame Anne Marie Louise de Tiercelin, ses pere et mere, le parain tres hault, tres puissant, tres excellent prince Louis, dauphin de France, la mareine tres haulte, tres puissante, tres excellente princesse Marie Anne Chrestienne Victoire, dauphine de France, lesquels ont signé en presence de moy curé soubsigné revestu de surpleis et estole.
Louis
M.A. Chrestienne »

« Ce jourd’huy deuzieme may mil six cens quatre vingts, ont esté supplées les ceremonies du baptesme à Louis Auguste, né le vingt deuzieme de septembre dernier passé et ondoyé par la sage femme, estant en danger, filz de messire Jean Sister, capitaine des gardes des suisses, et de Germaine Maugé, ses pere et mere, le parain hault et puissant prince Louis Auguste de Bourbon, duc du Maine, la mareine Marie Aujou, femme de messire Jean Jacques d’Arlac, baron des Piesle, capitaine aux gardes des fusils du Roy et mareschal des armées de Sa Majesté, lesquels ont signé avec le pere present.
Louis Auguste de Bourbon
J. P. Sister, Marie Aujou
Cagnyé »

« Ce jourd’huy quatrieme may mil six cens quatre vingts, a esté baptisée Louis François, né le mesme jour à quatre heures du matin, fils de Jacques Louere, valet de chambre de madame de Montespan, et de Marguerite Pevard, ses pere et mere, le parain tres hault et puissant prince Louis Auguste de Bourbon, legitimé de France, la mareine tres haulte et tres puissant dame dame Françoise de Rochechouart, marquise de Montespan et surintendante de la maison de la Reyne, avec le pere present qui ont cigné.
Louis Augsuet de Bourbon
Françoise de Rochechouart
Louert »

« Ce jourd’huy septieme may mil six cens quatre vingts, ont esté supplées les ceremonies du bapteme en la chapelle du chasteau vieil par monseigneur Benigne Bossuet, ancien evesque de Condon, precepteur de monseigneur le Dauphin et premier aumonier de madame la Dauphine, Louis, né le dixieme avril dernier passé, environ l’heure de midy, et ondoyé par monsieur le curé de Saint Paul de Paris avec la permission de monseigneur l’archevesque en datte du onzieme dud. mois d’avril, fils de messire Louis de Beauvais, chevalier, baron et seigneur de Geantilly, et de dame Anne Berthelin, ses pere et mere, le parain tres hault, tres puissant, tres excellent prince Louis quatorzieme, par la grace de Dieu roy de France et de Navarre, la mareine tres haulte, tres puissante et tres excellente princesse Marie Thereze d’Austriche, reyne de France, lesquels ont signé en presence de moy curé soubsigné revestu de surpelis et estole.
Louis
Marie Terese
J. Benigne, a. e. de Condom
Cagnyé »

« Ce jourd’huy huitiesme may mil six cens quatre vingts, ont esté supplées les ceremonies du baptesme en la chapelle du chasteau vieil par moy curé de la parroisse de ce lieu à Louis, né le dernier juin mil six cens soixante et dix huit et ondoyé par la sage femme nommée madame Langlois, cignée ci-dessous, filz de Claude Nicolas de Chaste, chevalier et seigneur de Chalon, et de dame Marie Catherine Desjardins, ses pere et mere, le parain tres hault, tres puissant, tres excellent prince Louis, dauphin de France, la mareine tres haulte et tres puissante princesse mademoiselle Marie Anne de Bourbon, duchesse de Monpansier, lesquels ont signé, et la sage femme.
Louis »

« Ce jourd’huy neufvieme juillet mil six cens quatre vingts, a esté baptisé Louise Françoise, née le cinquieme dud. mois, fille de Guillaume Luttin et de Jeanne Brechon, ses pere et mere, la parain hault et puissant prince Louis Cesar Auguste de Bourbon, duc du Maine, la mareine damoiselle Louise Françoise de Bourbon, princesse de Nanthe, lesquels ont signé avec le pere present.
Louis Auguste de Bourbon
Louise Françoise de Bourbon, l. de France
G. de La Vertu »

« Ce jourd’huy deuzieme mars mil six cens quatre vingts et un, ont esté suplées les ceremonies du baptesme en la chapelle du chasteau vieil par monseigneur Benigne Bossuet, ancien evesque de Condon, precepteur de tres hault et tres puissant et tres excellent prince Louis, dauphin de France, et premier aumonier de tres haulte, tres puissante et tres excellente princesse Marie Anne Chrestienne Victoire de Bavieres, dauphine de France, à Louis, né en la parroissse de Tourville, dioceze de Bayeux, au mois de mars de l’année mil six cens cinquante et quatre, et ondoyé par le sieur curé de lad. parroisse, fils d’Adrien de Bauche, écuyer, sieur de Edy, et de damoiselle Marie Le Lievre, ses pere et mere, le parain tres hault, tres puissant, tres excellent prince Louis, dauphin de France, la mareine haulte et puissante dame dame Julie de Sainte More, femme de hault et puissant seigneur monseigneur le duc d’Uzez, lesquels ont signé en presence de moy curé soubsigné.
Louis
La duchesse d’Uzes
J. Benigne, a. e. de Condom
Cagnyé »

« Le 24e jour de janvier 1654, le Roy arriva de Paris à Saint Germain en Laye.
[…]
Le 26e jour dud. mois, le Roy retourna de ce lieu de Saint Germain en Laye à Paris.
[…]
Le 22e jour de mars 1654, le Roy arriva de Paris en son chasteau viel de Saint Germain en Laye.
[…]
Le 24e jour de mars, le Roy partit de Saint Germain en Laye pour retourner à Paris.
[…]
Le 6e jour d’avril 1654, le Roy arriva en son chasteau viel de Saint Germain en Laye.
[…]
Le 8e jour d’avril 1654, le Roy partit de Saint Germain en Laye pour retourner à Paris.
[…]
Led. jour 25e [décembre] et feste de Noel, le Roy arriva à Saint Germain en Laye et logea en son chasteau viel dud. lieu.
[…]
Le 29e jour dud. mois, le Roy partit de ce lieu de Saint Germain pour retourner en son Louvre à Paris.
[…]
Led. jour 1er de mars [1655], arriva le Roy de sa ville de Paris en son chasteau viel de Saint Germain en Laye.
[…]
Le 4e jour dud. mois, le Roy retourna de Saint Germain à Paris.
[…]
Led. jour 2e dud. mois [février 1656], le Roy arriva de Paris en son chasteau viel de Saint Germain en Laye.
[…]
Le 6e jour dud. mois, le Roy partit de Saint Germain pour son retour à Paris.
[…]
Le 17e jour de septembre 1660, la Reyne en la compagnie du Roy et de sa cour feist sa premiere venue à Saint Germain en Laye et logerent Leurs Majestez au chasteau neuf. Les bourgeois se meirent soubz les armes, faisant haye des deux costez depuis la porte de Paris jusques à la porte dud. chasteau. M. le curé, accompagné de son clergé et des RR. PP. recollets dud. lieu, avec la croix et la banniere, fut au devant de Leurs Majestez jusques hors lad. porte de Paris comme aussi messieurs les magistrats et commandants dud. lieu. Le Roy dispansa des harangues que l’on s’estoit preparé de faire à Leurs Majestez parce qu’il estoit soir et desja la brume.
[…]
Le 20e jour dud. mois apres midy, le Roy et la Reyne s’en retournerent à Paris.
[…]
Le 8e jour de mars apres midy [1662], le Roy et la Reyne arriverent à Saint Germain en Laye pour la chasse.
[…]
Le 10e jour, le Roy et la Reyne partirent de Saint Germain en Laye pour leur retour à Paris.
[…]
Le 7e jour dud. mois [de mai], le Roy et la Reyne arriverent à Saint Germain en Laye et logerent au chateau neuf.
[…]
Le 17e jour de may 1662, le Roy et la Reyne s’en retournerent à Paris.
[…]
Le 19e jour dud. mois, le Roy, la Reyne, monseigneur le Dauphin arriverent sur le soir à Saint Germain et prirent logement au chateau neuf.
[…]
Le 29e jour de juin, feste des saints apostres Pierre et Paul, la Reyne, accompagnée de la Reyne mere, feist sa premiere visite à nostre eglise de la parroisse, où elle fut receue à l’entrée par M. le curé qui la harangua et complimenta, assisté de son clergé suivant la croix, et ensuitte, le saint sacrement exposé, fut chanté le Te Deum, le Salut et autres prieres à Dieu en action de graces.
[…]
Le 14e jour de septembre, feste de l’exaltation de la sainte croix, le Roy presenta le pain benit à la messe de parroisse de ce lieu de Saint Germain en Laye.
[…]
Le 19e jour de septembre 1662, le Roy partit de Saint Germain pour son retour à Paris apres avoir sejourné aud. lieu trois mois entiers.
[…]
Le mesme jour 3e de novembre, le Roy arriva à Saint Germain en Laye sur les 9 à 10 heures du matin pour la chasse et s’en retourna le lendemain à Paris par Versailles.
[…]
Le 10e jour de mars 1664, le Roy et les Reynes vindrent de Paris à Saint Germain en Laye pour y sejourner quelques temps.
[…]
Le 24e jour de mars, le Roy et les Reynes s’en retournerent à Paris apres avoir couché et sejourné quatorze jours en ce lieu de Saint Germain en Laye. »

« Ce jourd’huy cinquieme mars mil six cens quatre vingts et un, ont esté supplées les ceremonies du baptesme en la chapelle du chasteau vieil par monseigneur Benigne Bossuet, ancien evesque de Condon, precepteur de tres hault, tres puissant, tres excellent prince Louis, dauphin de France et premier aumosnier de tres haute, tres puissante, tres excellente princesse Marie Anne Chrestienne Victoire de Bavieres, dauphine de France, à Louis, né le jeudy douzieme septembre dernier passé et ondoyé led. jour sur la teste en necessité par Marguerite Morigot, sage femme et epouse de François Lavoiziere, fils de Nicolas Fanet, valet de pied de tres haulte, tres puissante, tres excellente princesse Marie Anne Chrestienne Victoire de Bavieres, dauphine de France, et de Nicolle Guenin, ses pere et mere, le parain tres hault, tres puissant, tres excellent prince Louis, dauphin de France, la mareine tres haulte, tres puissante, tres excellente princesse Marie Anne Chrestienne Victoire de Bavieres, dauphine de France, lesquels ont signé en presence de moy curé soubsigné.
Louis
M. Anne Chrestienne
J. Benigne, e. de Condon
Cagnyé »

« Ce jourd’huy onzieme mars mil six cens quatre vingts et un, ont esté supplées les ceremonies du baptesme en la chapelle du chasteau vieil par monseigneur Benigne Bossuet, ancien evesque de Condon, precepteur de tres hault, tres puissant, tres excellent prince Louis, dauphin de France et premier aumonier de tres haulte et tres puissante et tres excellente princesse Marie Anne Chrestienne Victoire de Bavieres, dauphine de France, à Louis, né le dix huitieme jour de may dernier passé et ondoyé le vingt un dud. may avec la permission de monseigneur l’archevesque en datte du vingt unieme dud. mois de may, filz de messire Hector de Guiry, chevalier, seigneur de Ronciere et enseigne des gardes du corps du Roy, et de dame Clere de Guilloy, femme de chambre de la Reyne, ses pere et mere, le parain tres hault, tres puissant, tres excellent prince Louis, dauphin de France, la mareine tres haulte, tres puissante et tres excellente princesse Marie Anne Chrestienne Victoire de Bavieres, dauphine de France, lesquels ont signé en presence de moy curé soubsisgné.
Louis
M. Anne Chrestienne
J. Benigne, a. e. de Condom
Cagnyé »

« Ce jourd’huy vingt troizieme mars mil six cens quatre vingts et un, ont esté supplées les ceremonies du baptesme en la chapelle du chasteau vieil par monseigneur Benigne Bossuet, ancien evesque de Condon, precepteur de tres hault, tres puissant et tres excellent prince Louis, dauphin de France, et premier aumonier de tres haulte, tres puissante et tres excellente princesse Marie Anne Chrestienne Victoire de Bavieres, dauphine de France, à Louis, ondoyé le troizieme may dernier passé avec la permission de monseigneur l’archevesque en datte du jour precedent dud. may, né aussi le mesme jour douzieme may, filz de messire Pierre Cuvier, seigneur de Monsory, maitre des eaux et forets de ce lieu, et de dame Louise Milet, ses pere et mere, le parain tres hault, tres puissant, tres excellent prince Louis, dauphin de France, la mareine tres haulte, tres puissante, tres excellente princesse Marie Anne Chrestienne Victoire de Bavieres, dauphine de France, lesquels ont signé en presence de moy curé soubsigné.
Louis
M. Anne Chrestienne
J. Benigne, a. e. de Condom
Cagnyé »

« Ce jourd’huy septieme decembre mil six cens quatre vingts un, ont esté supplées les ceremonies du baptesme en la chapelle du chasteau vieil par monseigneur Louis Marie Armand de Simianes de Girdes, evesque duc de Langres, pair de France, premier aumonier de tres haulte, tres puissante et tres excellente princesse Marie Thereze d’Austriche, reyne de France, à Marie Thereze, née le trentieme octobre dernier passé et ondoyée le cinquieme novembre avec la permission de monseigneur l’archevesque de Paris en datte du deuzieme dud. mois de novembre, filz de Paul Foré, ecuyer, garde du corps du Roy, et de Barbe Hodet, ses pere et mere, le parain tres hault, tres puissant et tres excellent prince Louis, dauphin de France, la mareine tres haulte, tres puissante et tres excellente princesse Marie Thereze d’Austriche, reyne de France, lesquels ont signé en presence de moy curé soubsigné.
Marie Terese
Louis
L. M. Ar., evesque duc de Langres
Cagnyé »

« Ce jourd’huy douzieme janvier mil six cens quatre vingts deux, ont esté supplées les ceremonies du baptesme à François, né le sixieme du mois de novembre dernier passé et ondoyé par le sieur vicaire de la parroisse de Saint Nicolas des Champs de Paris le septieme dud. mois de novembre avec la permission de monseigneur l’archevesque de Paris en datte du septieme novembre, filz de Claude Pujot, ecuyer, sieur de la Font, et de Françoise Debay, ses pere et mere, le parain hault et puissant prince François de Rouen, prince de Soubise, duc de Frontenay, capitaine lieutenent de la compagnie des gens d’arme de la garde du Roy, lieutenant general en ses armées et gouverneur pour Sa Majesté de la province de Berry, la mareine haulte et puissante dame dame Françoise d’Obigny, marquise de Maintenon et dame d’atours de madame la Dauphine, lesquels ont signé avec le pere present.
Françoise d’Aubigny, Françoise Debet
François de Rohan
Claude Pajot de la Font
Cagnyé »

« Le vingtiesme jour d’avril 1665, le Roy, la Reyne et monsieur le Dauphin arriverent à Saint Germain en Laye pour y passer une partie de l’esté. Dieu les y vueille conserver en santé.
[…]
Le 24e jour de may, feste de Pentecoste 1665, le Roy presenta le pain à benir à l’eglise parroissialle de Saint Germain en Laye avec toutes les solemnitez requises et accoustumées.
[…]
Le 31e et dernier jour de may 1665, feste de la tres sainte Trinité, le pain benist fut presenté à l’eglise parroissialle de ce lieu de Saint Germain en Laye par la Reyne mere.
[…]
Le 7e jour de juin 1665, feste de dimanche de l’octave du saint sacrement, la Reyne presenta le pain benist à la messe de paroisse avec toute la pompe et magnificence royalle ordinaire et accoustumée en telle occasion.
Led. jour, Son Altesse royalle duc d’Orleans, frere unicque du Roy, y assista, particulierement à la procession du saint sacrement, accompagné de quantité de grands seigneurs de la Cour avec touts les officiers de sa Maison tenants cierge ou torche en main.
[…]
Le 21e jour de juin, feste de dimanche, Monsieur, frere unicque du Roy, presenta le pain benist à la parroisse avec la magnificence deue à Son Altesse royale.
[…]
Led. jour 7e de juillet, le Roy partit de Saint Germain en Laye pour aller coucher à Versailles.
Le 11e jour dud. mois, le Roy revint de Versailles pour Saint Germain en Laye.
[…]
Le lundy 20e jour de juillet 1665, le Roy partit apres midy de Saint Germain pour aller coucher à Versailles y recevoir la reyne d’Angleterre à son arrivée.
[…]
Le mesme jour 22e de juillet, le Roy revint de Versailles coucher à Saint Germain en Laye.
[…]
Les 27, 28 et 29e jour, le Roy a couché à Versaille et entendu la messe à Saint Germain.
[…]
Le 11e jour d’aoust 1665, le Roy et les Reynes partirent de Saint Germain en Laye à cause de l’indisposition de la Reyne mere pour aller faire leur sejour à Paris.
[…]
Led. jour 22e de janvier [1666] apres midy, le Roy arriva à la sortie de Versailles à son chasteau vieil de Saint Germain en Laye pour y faire quelque sejour pendant son dueil de la Reyne sa mere.
[…]
Le 13e jour dud. mois [de mars], le Roy et la Reyne partirent de Saint Germain en Laye pour un voyage de Compiegne.
[…]
Le 19e jour dud. mois, le retour du Roy et de la Reyne à Saint Germain en Laye de leur voyage de Compiegne.
[…]
Le 28e jour de mars, feste de dimanche, le Roy et la Reyne revinrent de Versailles où Leurs Majestez estoient allées de Saint Germain en Laye le jeudy precedent qui estoit le jour de la feste de l’Annonciation Nostre Dame.
[…]
Le 3e jour d’avril 1666, le Roy partit de Saint Germain en Laye avec la Reyne pour Versailles.
[…]
Led. jour 15e d’avril, le Roy et la Reyne revin de leur chasteau de Versailles pour Saint Germain en Laye.
[…]
Le 9e jour de may, le Roy alla souper à Versailles où il coucha et le lendemain 10e jour, apres avoir entendu la messe, revint disner à Saint Germain, et la Reyne avec luy.
[…]
Le 29e jour de may 1666, le Roy partit de Saint Germain en Laye pour Versailles.
[…]
Le vendredy 25e jour d’octobre 1666, le Roy et la Reyne arriverent à Saint Germain en Laye et prirent leur logement au chasteau vieil.
[…]
Le 19e jour [de mars 1667], feste de saint Joseph, le Roy et la Reyne avec monseigneur le Dauphin partirent de Saint Germain en Laye pour aller à Versailles.
[…]
Led. jour [1er avril], le Roy revint de Versailles à Saint Germain en Laye.
[…]
Led. jour 11e, le Roy et la Reyne partirent de Saint Germain en Laye apres midy pour Versailles.
[…]
Led. jour 16e d’avril, le Roy et la Reyne revinrent de Versailles en ce lieu de Saint Germain apres y avoir demeuré cinq jours.
[…]
Led. jour 16e de may, le Roy partit de Saint Germain en Laye pour son voiage d’Amiens et frontieres de Flandres.
[…]
Le 7e jour de septembre 1667, le Roy arriva à Saint Germain en Laye à son retour de la guerre de Flandre, apres la prise de la ville de Lille et la defaicte des troupes du comte de Marcin et du prince de Lignes par celles de Sa Majesté, au devant de laquelle alla M. le curé, assisté de son clergé, avec la croix et la baniere des reverends peres recollets aussi avec leur croix devant eux et un grand nombre de parroissiens à leur suitte jusques au bout du manege à la descente du Pecq où on l’attendit jusques à son arrivée, où il la congratula au nom de toute la parroisse de l’heureux succes de ses armes et de ses advantageuses victoires remportées sur ses ennemis, en action de graces à Dieu de quoy, le saint sacrement exposé en l’eglise, furent solemnellement chantées les prieres convenables à ce sujet et le Te Deum.
[…]
Le [vide, entre le 4 et le 12] jour de novembre 1667, le depart du Roy apres midy pour aller à Versailles avec la Reyne et monseigneur le Dauphin.
[…]
Le 22e jour de janvier [1668], feste de saint Vincent, le Roy, la Reyne et les Enfants de France arriverent sur le soir à Saint Germain en Laye.
[…]
Le 2e jour de febvrier, feste de la Purification Nostre Dame, apres la messe et procession dud. jour, le Roy partit de ce lieu de Saint Germain en Laye pour son voiage de dela.
[…]
Le 24e jour de febvrier 1668, le Roy arriva à Saint Germain en Laye sur les dix heures du matin au retour de son voyage de la Franche Comté, apres l’avoir subjuguée et reduite à sa domination et obeissance en un mois de temps.
Le 26e jour dud. mois, M. l’abbé Le Camus, predicateur et aumosnier du Roy, vint demander à M. le curé permission pour Sa Majesté de l’usage des viandes deffendues en caresme selon qu’Elle en auroit besoin pour la conservation de sa santé.
[…]
Le susd. jour 22e d’avril, le Roy et la Reyne partirent de Saint Germain en Laye pour Versailles.
[…]
Led. jour 29e d’avril, le retour du Roy et de la Reyne de leur chasteau de Versailles à Saint Germain en Laye.
[…]
Le lundy 24e jour de septembre 1668, le Roy partit de Saint Germain pour son voyage de Chambor avec la Reyne.
[…]
Led. jour de dimanche [21 octobre], le Roy arriva de son voyage de Chambor à Saint Germain en Laye apres avoir demeuré à sond. voyage 26 jours.
[…]
Le 7e jour de novembre, le Roy partit de Saint Germain pour aller passer son hyver à Paris avec toute sa Cour.
[…]
Le 29e jour d’avril [1669], le Roy arriva à Saint Germain en Laye avec toute sa Cour apres midy.
[…]
Led. jour 30e de may, le Roy avec la Reyne partirent de Saint Germain en Laye apres midy apres avoir entendu les vespres et allerent à Versailles où ils coucherent, et le lendemain revindrent en ce lieu apres avoir oy la messe.
[…]
Le 5e jour de juin, le Roy et la Reyne allerent coucher à Versailles et revinrent le lendemain jeudy à Saint Germain sur le soir.
[…]
Led. jour 18 [juin], le Roy et la Reyne allerent à Versailles où ils coucherent et revindrent le lendemain au soir à Saint Germain.
[…]
Le 29e jour de juin apres mid, le Roy partit de Saint Germain pour Versailles, où il coucha deux nuicts et revint le lundy premier de juillet sur le soir.
[…]
Led. jour 16e de septembre, le Roy et la Reyne partirent de Saint Germain en Laye pour le voyage de Chambort.
[…]
Le 20e jour [d’octobre], feste de dimanche, le Roy arriva à Saint Germain en Laye à son retour de Chambor avec la Reyne, train et suitte.
[…]
Le 2e jour [de novembre], feste de la commemoration des trespassez, le Roy partit apres midy avec la Reyne pour Versailles.
[…]
Le 14e jour dud. mois, le Roy revint de son voyage de Versailles à Saint Germain en Laye.
[…]
Le 27e jour, le Roy partit de Saint Germain en Laye pour Versailles.
[…]
Le mesme jour [29 novembre], le retour du Roy de Versailles à Saint Germain en Laye.
[…]
Le dimanche 15e jour de decembre, le Roy partit de Saint Germain en Laye pour Versailles.
[…]
Le 19e jour dud. mois, le retour du Roy de son chasteau de Versailles à Saint Germain en Laye.
[…]
Le 25e de decembre 1669, le Roy partit apres midy pour aller à Versailles.
[…]
Led. jour 30e, le retour du Roy de son chasteau de Versailles à Saint Germain en Laye.
[…]
Led. jour 1er de l’année [1670], la Reyne presenta le pain benit à la parroisse avec toute la magnificence royalle.
[…]
Le 6e jour de janvier, fete des roys, monseigneur le Dauphin, fils aisné de France, presenta le pain benit à la paroisse de Saint Germain en Laye avec la magnificence convenable à Son Altesse royalle.
[…]
Le 28e d’avril 1670, le Roy, la Reyne et monseigneur le Dauphin partirent de Saint Germain en Laye pour faire voyage en Flandre.
[…]
Led. jour 7e de juin mille 670, le Roy arriva à son chasteau de Saint Germain en Laye sur les 5 à 6 heures du soir, à son retour de son voyage de Flandre.
[…]
Le 20e de juin 1670, le Roy, la Reyne et M. le Dauphin partirent de Saint Germain pour Versailles et y demeurer quelques temps.
[…]
Le 1er de juillet, le retour du Roy de son chasteau de Versailles à Sant Germain en Laye.
[…]
Le 6e juillet 1670, jour de dimanche, le Roy partit de Saint Germain en Laye pour Versailles.
[…]
Le 9e juillet 1670, le Roy partit de Versailles pour revenir à Saint Germain.
[…]
Le 23e jour, le Roy partit de Saint Germain pour Versailles.
[…]
Le 26e jour dud. mois, le Roy, la Reyne et monseigneur le Dauphin revinrent de Versailles à Saint Germain.
[…]
Le 3e jour d’aoust, feste de dimanche, le Roy partit de Saint Germain en Laye pour Versailles.
[…]
Le 6e jour d’aoust, le Roy revint de son chasteau de Versailles pour Saint Germain.
[…]
Le 6e jour dud. mois [de septembre], le Roy partit de Saint Germain en Laye pour Versailles, et revint le lendemain 7e jour.
[…]
Le 30e de septembre 1670, le Roy partit de Saint Germain en Laye pour Versailles.
[…]
Le 3e jour d’octobre 1670, le Roy revint de son chasteau de Versailles disner à Saint Germain en Laye apres y avoir demeuré 3 jours.
[…]
Le 6e d’octobre 1670, le Roy et la Reyne partirent de Saint Germain en Laye pour le voyage de Chambort.
[…]
Led. jour [25 octobre], le Roy arriva à Saint Germain en Laye de son voyage de Chambor avec toute la Cour.
[…]
Le 2e de novembre 1670, le Roy partit de Saint Germain pour Versailles.
[…]
Le 8e novembre 1670, le Roy revint de son chasteau de Versailles à Saint Germain en Laye.
[…]
Le 24e jour dud. mois, le Roy partit de Saint Germain pour Versailles et de là quelques jours apres pour Paris.
[…]
Led. jour 23e febvrier [1671] apres midy, le Roy, ayant à son depart de Paris estant venu par Versailles et s’y estant arresté quelques jours avec la Reyne et monseigneur le Dauphin, arriva à Saint Germain.
[…]
Le dimanche 8e de mars, le Roy, la Reyne et monseigneur le Dauphin partirent de Saint Germain en Laye pour Versailles.
[…]
Le vendredy 13e de mars, le Roy revint de son chasteau de Versailles à celuy de Saint Germain en Laye.
[…]
Led. jour de dimanche [22 mars] apres midy, le Roy partit de Saint Germain pour Versailles.
[…]
Le mercredy 25e de mars 1671, le retour du Roy à Saint Germain en Laye de son chasteau de Versailles pour faire sa communion paschalle et gagner le jubilé.
[…]
Le 1er d’avril 1671, le Roy partit de Saint Germain en Laye pour Versailles.
[…]
Le 23e jour d’avril 1671, le Roy et la Reyne partirent de ce lieu de Saint Germain pour leur voyage de Flandre et laisserent monseigneur le Dauphin avec les autres enfants de France en ced. lieu pour y demeurer pendant leurd. voyage.
[…]
Le mardy 14e de juillet 1671, le Roy et la Reyne arriverent à Saint Germain en Laye au retour de leur voyage de Flandre.
[…]
Le 29e jour de juillet, le Roy, la Reyne partirent de Saint Germain avec monseigneur le Dauphin pour le voyage de Fontainebleau.
[…]
Led. jour 30e et dernier dud. mois [de septembre], le Roy arriva de son chasteau de Versailles à Saint Germain.
[…]
Le lundy 2e de novembre 1671, le Roy partit de Saint Germain en Laye apres midy avec la Reyne et ses enfants pour Versailles.
[…]
Le 19e de novembre, jour de jeudy, revint de Versailles en son chasteau de Saint Germain en Laye.
[…]
Le 16e jour [de janvier 1672], le depart du Roy pour Versailles.
[…]
Le lundy 1er jour de febvrier 1672, le Roy revint de son chasteau de Versailles à celuy de Saint Germain en Laye.
[…]
Le mesme jour 1er de mars 1672, apres le deces de Madame qui arriva environ sur les onz heures du matin, le Roy, la Reyne et monseigneur le Dauphin partirent apres midy pour Versailles.
[…]
Le 9e d’avril, veille de Pasques fleurie, le Roy revint de Versailles à Saint Germain en Laye.
[…]
Le dimanche 17e jour d’avril 1672, feste de Pasques, le Roy presenta le pain benit à la messe de parroisse avec la magnificence royalle.
[…]
Le dimanche 24e jour d’avril 1672, la Reyne presenta le pain benit à la messe de parroisse avec toute la magnificence royalle.
[…]
Le mercredy 27e d’avril 1672, le Roy partit de Saint Germain en Laye pour son voyage de Holande apres avoir faict declarer la Reyne regente des affaires et du royaume pendant son absence.
[…]
Le 1er jour d’aoust 1672, le Roy arriva sur les six à sept heures apres midy en son chasteau viel de Saint Germain en Laye apres un heureux succes de ses armes en la guerre par luy declarée aux Holandois et qui s’est faicte Sa Majesté presente et conduisante ses armées.
[…]
Le 1er jour de septembre apres midy, le Roy, la Reyne avec monseigneur le Dauphin partirent de Saint Germain en Laye pour Versailles.
[…]
Le lundy 3e jour d’octobre 1672, le Roy arriva de son chasteau de Versailles à Saint Germain en Laye avec sa Cour et suitte.
[…]
Le samedy 5e de novembre 1672, le Roy partit de Saint Germain pour Versailles.
[…]
Le lundy 19e jour de decembre 1672 apres midy, le Roy arriva de son chasteau de Versailles à celuy de Saint Germain en Laye avec la Reyne et monseigneur le Dauphin.
[…]
Led. jour [21 décembre], le [Roy] partit de son chasteau de Saint Germain en Laye pour son voyage à Charlesroy, fort à luy appartenant sur les frontieres de la Flandre.
[…]
Le lundy 2e jour de janvier 1673, le Roy revint de son voyage faict pour faire lever le siege de devant Charleroy, ce qui a reussi selon son desir. »

« Ce jourd’huy vingt huitieme mars mil six cens quatre vingt deux, a esté baptisé Louis François, aagé de douze ans ou environ, More de nation, de la ville d’Arada, le parain haut et puissant princesse messire Louis Auguste de Bourbon, colonel general des suisses et grisons en France, legitimé de France, la mareine haute et puissante dame dame Françoise d’Obigny, marquise de Maintenon et dame d’atours de madame la Dauphine, lesquels ont signé.
Louis Auguste de Bourbon
Françoise d’Aubigny
Cagnyé »

« Le 25e jour dudict mois de juin aud. an 1553, fut baptisé madame Marguerittes de Vallois, fille de notre sire le Roy Henry, son parrain monseigneur le prince de Fervart [Ferrare], la maraine seulle [haulte ?] madame Margueritte de Vallois, duchesse de Baroy [Berry], sœur unique de notre sire, a la chappelle du chateau de Saint Germain en Laye par le reverendissime cardinal de Bourbon, archeveque de Sens. »

« Ce jourd’hui vingt unieme jour de mars mil six cent quatre vingt dix, a eté baptisé par moy pretre vicaire sousigné Anne Wonifride, née du dix neufieme jour de ce mois, fille de messire Thomas Stricland, vice chambellan de la reine d’Angleterre, et de Brigitte Manoch, sa femme, le parein M. Daniel Artur, chevalier anglois, la mareine dame Wonifreda Trintam, femme de monsieur le chevalier Thomas Striclhand, lesquels ont signé.
Le chevalier Arthur
Winifrida Trintham
Michel »

« Ce jourd’huy vingt troisieme fevrier mil six cent quatre vingt douze, par moy pretre, docteur de Sorbonne, abbé de Notre Dame de Sully, prieur et curé de ce lieu, a esté baptisé Philippe, né le vingtieme de ce mois, fils de maitre Charles Lemaire, professeur en humanité, et de Marie Estiennette Ravineau, son epouse, le parrain Philippe Lesserseur, ecuier de la Bouche de la reyne d’Angleterre, la marraine demoiselle Bernardine Riger, epouse du sieur Pierre Miraut, officier de la Bouche du roy, tous de cette parroisse, lesquels ont signé.
P. Lesserleur
L’abbé Converset, prieur de Saint Germain en Laye
Bernardine Roger »

« Ce jourd’huy douzieme mars mil six cent quatre vingt douze, a esté baptisée par monsieur l’abbé de Ronchy, premier aumonier du roy et de la reyne d’Angleterre, Henriette, née le neufieme de ce mois, fils de messire Charles Moray, chevalier ecossois, et de madame Anne Borel, son epouse, le parrain tres puissant, tres excellent et tres vertueux monarque Jacques second, roy d’Angleterre, d’Irlande et d’Ecosse, la marraine tres excellente princesse madame madame Henriette Marie Estuard, veufve de deffunct milord Henry de Waldegrave, lesquels ont signé la ceremonie de ce bapteme faict dans la chapelle du chateau vieux de ce lieu en presence de messire Isaac Michel, vicaire de cette parroisse, et de son consentement, estant revestu de surpellis et d’estolle, lequel a signé avec monsieur l’abbé de Ronchy.
Jacques R.
Fitz James Waldegrave, J. Ronchi
Michel »

« Ce jourd’huy sezieme mars mil six cent quatre vingt douze, a esté baptisé par moy pretre, docteur de Sorbonne, abbé de Notre Dame de Sully, prieur et curé de ce lieu, Victoire, née le huitieme de ce mois, fille de Felix O’Nel, colonel irlandois, et de Rosa Arras, son epouse, le parrain tres haut, tres excellent et tres vertueux monarque Jacques second, roy d’Angleterre, d’Irlande et d’Escosse, qui l’a faicte presenter au sacrement de bapteme par milord Domberton, soussigné, la marraine madame Victoria de Montecucully, contesse d’Almont, dame d’honneur de la reyne d’Angleterre, qui a pareillement signé.
Dunbarton
Victoria Mon. d’A. d’Almont
L’abbé Converset, prieur de Saint Germain en Laye »

« Led. jour mourut monseigneur le cardinal de Tournon, et furent ses entrailles inhumez au cueur de l’esglise, soubz le leuntrin, et le lendemain faict ung service. »

« Le dimanche IIIIe, furent mariez hault et puissant prince Louis, filz du duc de Mantue, et haulte et puissante princesse Henriette de Cleves, duchesse de Nevers, et feist mons. l’evesque de Paris mons. Violle l’office en la presence de moy, curé, et ay receu treize pistolles. »

« Ce jourd’huy huitieme aoust mil six cent quatre vingt douze, a esté baptisé dans la chapelle du chateau vieux de ce lieu par monsieur l’abbé de Ronchy, premier aumonier du roy et de la reyne d’Angleterre, Jacques Ignace, né le jour precedent, fils de Mathieu Smith, gentillome anglois, et de Françoise Aman, son epouse, de cette parroisse, le parrain monsieur le prince de Galles, la ceremonie de ce baptesme faitte en presence et du consentement de messire Isaac Michel, vicaire de cette parroisse, revetu de surpellis et d’estolle, qui a signé avec M. l’abbé de Ronchy
J. Ronchi
Michel »

« Ce jourd’hui vingt troisieme d’aoust mil six cent quattre vingt douze, ont estez suppleez les ceremonies du baptesme dans la chapelle du chasteau vieil de Saint Germain en Laye à Louise Marie, princesse d’Angleterre, fille de tres haut et tres puissant et tres excellent prince Jacques second, par la grace de Dieu roy de la Grande Bretagne, et de tres hautte, tres puissante et tres excellente princesse Marie Eleonor d’Est, princesse de Modene, son espouze, née audit chasteau de Saint Germain en Laye le vingt huitieme juin de la presente année, aiant estée ondoyé en la chambre de laditte reine par un de ses aumoniers, et lesdittes ceremonies du baptesme lui ont estez suppleez par monseigneur l’eminentissime cardinal de Bouillon, grand aumonier de France, en presence de messire François Converset, prestre, docteur de Sorbonne, abbé de Nostre Dame de Sully, prieur et curé dudit Saint Germain, lequel a porté les saintes huilles revestu de surplis et d’estolle, le parrain tres haut, tres puissant et tres excellent prince Louis quatorze, par la grace de Dieu roy de France et de Navarre, la marainne tres haute et tres puissante princesse Elizabeth Charlotte, princesse palatine du Rhin, duchesse de Baviere, espouse de tres haut et tres puissant prince Philippes de France, frere unique du Roy, duc d’Orleans, de Valois, de Chartres et de Nemours, lesquels ont signé.
Louis, Jacques R., Maria R.
Elisabeth Charlotte
Le card. de Bouillon, l’abbé Converset »

« Le mardy VIe fut baptizée Diane, fille de mons. d’Estrez, le parrain hault et puissant prince Hercules de Valloys, duc d’Anjou, frere du Roy, et Diane, femme de mons. le duc de Momorency. »

« Le jeudy VIIIe fut baptizée Diane, fille de mons. de La Bourdoisiere, le parrain monseigneur le duc d’Anjou, frere du Roy, la marraine Diane, duchesse de Montmorency. »

« Ce jourd’huy deuxieme janvier mil six cent quatre vingt treze, a eté baptisé dans la chapelle du chateau vieux de ce lieu par monsieur l’abbé de Ronchy, premier aumonier du roy et de la reyne d’Angleterre, Therese, née le jour precedent, fille de messire Charles, conte de Molza, et de madame Veronique Angelotty, son epouse, italiens et demeurant dans cette parroisse, le parrain tres haut et tres puissant monarque Jacques second, roy d’Angleterre, d’Irlande et d’Escosse, la ceremonie de ce bapteme faite en presence et du consentement de messire Isaac Michel, vicaire de ce lieu, revetu de surpellis et d’estolle, qui ont signez.
Jacques R.
Jacques Ronchi
Michel »

« Le vingt deuziesme furent mariez le conte Charles avec Diane, fille de feu mons. de Brissac en la chapelle du chasteau par l’evesque de Dine. »

« Ce jourd’huy douzieme may mil six cent quatre vingt treize, ont esté supplée les ceremonies du baptesme dans la chapelle du chasteau vieux de Saint Germain en Laye par monsieur l’abbé de Ronchy, premier ausmonier du roy et de la reyne d’Angleterre, à Jacques François Eduard, né le trentieme de mars de la presente année, aiant esté ondoyé à la maison dans le cas de necessité, fils de messire Patrice Sarsfield, milord et comte Lucan, capitaine de la seconde compagnie des gardes du corps du roy d’Angleterre, et de dame Honoré Burke de Clanricarde, son epouse irlandois de nation, le parain haut et puissant prince Jacques François Eduard, prince de Galles, fils de haut et puissant monarque Jacques second, roy de la Grande Bretagne, et de tres vertueuse princesse Marie d’Este, princesse de Modenne, son epouse, le tout en presence et du consentement de maistre Isaac Michel, vicaire de cette paroisse, lesquels ont signez avec le pere present.
Pour le prince, K. Arroll, governess
H. Lucan, Sarsfield Lucan
Ann Sarsefld, Mart. Burke, prestre
Killmallick, J. Ronchi
Armunt Lenster, Michel
Lymerick
John Nyrrell
Burk »

« Ce jourd’huy quinzieme juin mil six cent quattre vingt treize, a esté baptisée dans la chapelle du chasteau vieil de Saint Germain en Laye par monsieur l’abbé de Ronchy, premier aumonier du roy et de la reine d’Angleterre, Catherine, née le jour precedent, fille de messire Richard Nagle, secretaire d’Estat du roy d’Angleterre, et de madame Jeanne Carné, son espouze, la marainne tres vertueuse et tres excellente princesse Marie d’Est, princesse de Modene, espouze de tres haut et tres puissant monarque Jacques second, roy de la Grande Bretagne, laquelle a signé le tout en presence et du consentement de maistre Isaac Michel, prestre, vicaire de cette parroisse, qui a presenté les saintes huilles revestu de surplis et d’estolle.
J. Ronchi, Maria R.
R. Nagle
Ann Nugent, Tyrconnell
Michel »

« Ce jourd’huy dixieme aoust mil six cent quattre vingt treize, a esté baptisé dans la chapelle du chasteau vieil de Saint Germain en Laye par monsieur l’abbé Ronchy, premier aumosnier du roi et de la reine d’Angleterre, Jacques, né le jeudy au soir du trente unieme juillet, fils de messire Jean Baguel, colonel anglois, et de madame Helene Goule, son espouze, le parrain tres haut, tres excellent et tres puissant monarque Jacques second, roi de la Grande Bretagne, la marainne madame Victoire de Montecuculi, comtesse d’Annemont, premiere dame d’honneur de la reine d’Angleterre, le tout en presence et du consentement de maistre Isaac Michel, prestre, vicaire de cette parroisse, lequel a presenté les saintes huilles revestu de surplis et d’estolle, qui ont signez.
J. Ronchi, Jacques R. »

« Du meme jour, a esté baptisée par moi prestre vicaire soussigné Françoise Helene, née le vingt neuf du mois passé, fille de deffunct messire François Clark, gentilhomme anglois, et de damoiselle Elizabeth Bris, son espouze, le parrain monseigneur le prince de Galles, fils de tres haut et tres puissant monarque Jacques second, roy de la Grande Bretagne, et de madame Marie Eleonor d’Est, princesse de Modene, son espouze, et monseigneur le prince de Galles a nommé messire Thomas Codrington, son sous precepteur, pour tenir à sa place, lequel a signé.
Michel, Thomas Condrington
Edward Cary
De Napier, Andreas Pulton
François Langhorne, John Groskin »

« Ce jourd’huy vingt unieme octobre mil six cent quatre vingt quatorze, a esté baptisé par moy aulmosnier de la reyne soubsigné Françoise, née en legitime mariage le dix septime du present mois, fille de David Nairn, gentilhomme escossois, et de Elisabeth Marie de Compigny, ses pere et mere, le parain tres haut et tres puissant Jacques François, prince de Galles, fils de tres haut et puissant roy Jacques second, roy de la Grande Bretagne et de tres puissante et tres vertueuse princesse Marie d’este, reyne de la Grande Bretagne, la marainne dame Sophie Bouclay, dame d’honneur de la reyne, le tout fait du consentement de moy vicaire soubsigné, revestu d’estolle et de surplis, le parain et la maraine ont signé avec le père present.
James Prince
Da. Nairne, L. Inest
Coppin, vicaire, Dempster, Bulkeley »

« Du mesme jour, a esté baptisé dans la chapelle du chasteau vieux de Saint Germain en Laye par moy chapelain de la reyne d’Angleterre soubsigné Marie, née en legitime mariage sur la paroisse du Pecq, diocese de Paris, fille du sieur Richard Boutelaire, colonel irlandois, et de dame Lucie Cavena, ses pere et mere, la marainne tres haulte, tres puissante et tres excellente princesse Marie, reyne d’Angleterre, le tout du consentement de monsieur le curé et de monsieur son vicaire, par luy comis, revestu d’estolle et surplis, lequel a presenté les saintes huilles et lesquels ont signé avec le pere present.
Maria R.
P. Ronchi, aumonier de la reine d’Angleterre
Trinité »

« Ce jourd’huy deuzieme may mil six cent quatre vingt quinze, a esté baptisé dans la chapelle du vieux chateau de ce lieu par monsieur l’abbé Ronchy le jeune, aumonier du roy et de la reyne d’Angleterre, Marie, née en legitime mariage le trente du mois passé, fille de Philippe Lesserteur, escuier, françois de nation, et d’Elizabeth Monhun, angloise, ses pere et mere, la maraine tres haute et tres vertueuse princesse Marie d’Est, princesse de Modene, espouze de tres haut et tres puissant monarque Jacques second, roy d’Angleterre, qui a signé en presence et du consentement de messire Estienne Coppin, l’un des vicaires de cette paroisse, qui a apporté les saintes huilles revestu de surplis et d’estole.
Maria R.
P. Ronchi, Coppin, vicaire »

« Du mesme jour, a esté baptisé par moy prestre, docteur de Sorbonne, abbé de Nostre Dame de Sully, prieur et curé de ce lieu, Therese, née en legitime mariage le onzieme du present mois, fille du sieur Georges Winnitte, gentilhomme anglois, et de damoiselle Dorothée Fford, ses pere et mere, le parain tres haut, tres puissant prince Jacques second, roy de la Grande Bretagne, et ledit enfant tenu sur les fons baptismaux par commission dudit roy par milord Denis, comte de Clancarty, la marainne dame Honorée, duchesse de Barvick, tous anglois de nation, lesquels ont signé.
H. Berwick, Clancarty
L. Converset »

« Le XVIe, fut baptisé Henry, filz de noble homme Anthoyne Frontenac, le parrain hault et puissant prince Henry de Bourbon, prince de Condé. »