« [f. 204v] Compte de maistre Nicolas Picart durant trois annees et neuf mois finis le dernier de septembre 1550
Recepte
De maistre Jean Duval, conseiller du Roy et tresorier de son Espargne, la somme de 2000 l.
De maistre André Blondet, conseiller du Roy et tresorier de son Espargne, de 20200 l.
Somme totale de la recepte : 22200 l.
[f. 205] Despence de ce compte
Maçonnerie a Saint Germain en Laye
A Guillaume Guillain et Jean Langeois, maistres maçons, la somme de 3100 l. que messire Nicolas de Neufville, chevalier, seigneur de Villeroy, conseiller du Roy et commissaire par luy ordonné et deputé sur le fait de ses bastimens et ediffices de Saint Germain en Laye a par ses lettres d’ordonnance mandé au present commis maistre Nicolas Picart leur payer, bailler et delivrer comptant des deniers de sad. commission pour les couverture de pierre de taille de liais de Nostre Dame des Champs les Paris qu’ils ont faittes pour le Roy dessus toutes et chacunes les voultes des corps d’hostels, pavillons et ediffices de son chasteau de Saint Germain en Laye suivant le marché de ce fait par led. commissaire et passé avec eux pour et au nom du Roy, cy devant rendu, et qui luy est apparu et appert par certiffication de Charles Villart, maistre maçon de monseigneur le connestable, Guillaume Challon et Jean Chappenet, maistres maçons a Paris, signee de leurs mains et de maistre Pierre Deshostels, notaire et secretaire dud. seigneur et par luy commis au controlle desd. bastimens et ediffices le 29e janvier 1548 contenant par le menu la declaration desd. couvertures de pierre de taille de liais faittes aud. chasteau de Saint Germain en Laye, qui ont esté veues et visitez par lesd. maistres maçons en la presence dud. Deshostels, controlleur, de l’ordonnance de maisre Philbert Delorme, [f. 205v] abbé d’Ivry, conseiller, ausmonier ordinaire et architecte du Roy et a present commissaire par luy ordonné et deputé sur le fait de ses bastimens et ediffices, lesquels couvertures de Nosre Dame des Champs les Paris lesquelles ont esté trouvez bien et deuement faits
Ausd. Guillain et Jean Langeois, la somme de 4081 l. a eux ordonnee par maistre Philbert Delorme, abbé d’Ivry, de Saint Berthelemy le Noyon et de Geneton, et commissaire susd., pour ouvrages de maçonnerie par eux faits aud. chasteau de Saint Germain
Charpenterie
A Nicolas Nicolle, maistre charpentier, et Jean Le Peuple, aussy charpentier, la somme de 1784 l. 15 s. a eux ordonnee par led. Delorme pour tous les ouvrages de charpenterie qu’ils doibvent faire au pont levis de Saint Germain en Laye et plusieurs autres cloisons suivant le marché qui en a esté fait par led. commissaire avec eux pour et au nom du Roy
Couverture
A Jean et Louis Cordier et Nicolas Plançon, couvreurs, la somme de 398 l. 14 s. à eux ordonnee par led. Delorme, abbé d’Ivry, pour tous les ouvrages de couverture par eux faits aud. Saint Germain suivant le marché de ce fait
[f. 206] Serrurerie
A Anthoine Morisseau et Mathurin Bon, maistres serruriers, la somme de 1570 l. 5 s. a eux ordonnee par le sieur de Neufville, chevalier, seigneur de Villeroy, pour tous les ouvrages de serrurerie par eux faits aud. Saint Germain en Laye
Menuiserie
A Michel Bourdin, Jacques Lardent et Francisque Scibec de Carpy, maistres menuisiers, la somme de 2347 l. 7 s. a eux ordonnee par led. de Neufville pour tous les ouvrages de menuiserie par eux faits aud. Saint Germain en Laye suivant le marché de ce fait avec led. de Neufville
Vitrerie
A Nicolas Dubois et Jean de La Hamee, maistres vitriers, la somme de 562 l. 9 s. 11 d. ob. pt. a eux ordonnee par led. sieur de Neufville pour tous les ouvrages de verrie par eux faits aud. Saint Germain en Laye
Ouvrages de pavé
A Denis Pasquier, paveur, la somme de 3400 l. a luy ordonnee par led. de Neufville pour tous les ouvrages de pavé par luy faits aud. Saint Germain en Laye
[f. 206v] Tuyaux de fontaine
A Pierre de Mestre, fontainier demeurant a Rouen, la somme de 1187 l. 2 s. 6 d. a luy ordonnee par led. de Neufville pour tous les tuyaux et autres ustancilles par luy faits et fournis pour servir ausd. fontaines de Saint Germain
Ouvrages de natte
A Jean Douart, Jean Thouroude et Denis Petit, nattiers, la somme de 291 l. 1 s. 11 d. a eux ordonnee par lesd. sieurs de Neufville et Philbert Babou, sieur de La Bourdaiziere, pour tous les ouvrages de nattes par eux faits aud. Saint Germain
A Abraham Crossu, nattier, la somme de 901 l. 12 s. a luy ordonnee par maistre Philbert Delorme, abbé d’Ivry et de Geneton, pour ouvrages de nattes par luy faits aud. Saint Germain
Parties extraordinaires : la somme de 946 l. 9 s.
Gages, sallaires et taxations
A maistre Pierre Petit, commis par le Roy a [f. 207] Saint Germain en Laye pour avoir l’œil et regard a faire bien travailler les maçons et autres ouvriers besongnans aud. bastimens, la somme de 100 l. pour trois mois qui est a raison de 400 l. par an pour ses gages et entretenemens
A maistre Nicolas Picart, la somme de 3500 l. pour ses gages d’avoir tenu le compte et fait le payement desd. bastimens durant le temps de ce compte
Somme totale de la despence de ce compte : 22015 l. 16 s. 5 d. ob. pt. »

« Ce jourd’huy vingt deuxieme jour de novembre mil six cens quatre vingt quinze, a esté fait et solemnisé en face de nostre mere sainte Eglize par moy prestre soussigné, commis à cet effet par monsieur le prieur, le mariage de honorable homme François de Gasis, sieur de Beaulieu, fils de deffunt Dominique de Gasis et de Catherine Devason, ses pere et mere, de la parroisse des Ondres, diocese de Baionne, d’une part, et de Foelicité Jullienne, veufve de Pierre Benoist, d’autre part, de cette parroisse, apres en avoir publié un pan au prosne de la messe de parroisse le treize du present mois, et veu la dispense des deux autres accordée par monseigneur l’illustrissime et reverendissime archevesque de Paris, portant aussy permission de les marier de grand matin, le tout sans opposition, et les fiançailles faites le jour precedent, et en presence du chevallier Guillaume Waldegrave, premier medecin du roy et de la reine de la Grande Bretagne, et de Jacques de Labadie, premier valet de chambre du roy d’Angleterre, de François Gaultier, officier de Sa Majesté, et de Laurent Dupuis, gentilhomme servant de monseigneur le prince de Galles, de Jacques Diharse, barbier du roy, de Georges Middletin, apoticaire de Sa Majesté, tous amis de l’epoux, et d’Heleine Masson, mere de l’epouse, de Pierre Benoist Fils, officier de la bouche du Roy, Charles Jullienne, conseiller du Roy et garde marteau en la maitrise particulliere des Eaux et forests de Saint Germain en Laye, d’Anthoine Silly, vendeur de marées à Paris, beau frere de l’epouse, lesquels ont signé avec l’epoux et l’epouse.
François de Gassis de Beaulieux
Felicité Julienne, Laurent Dupuy
Guileaum Waldegrave, de Labadie
J. Dihartz, F. Gaultier
George Middleton
Heleinne Masson
Julianne, Silly
Gaultier »

« Du mesme jour, a esté baptisé par moy prestre soussigné Guillaume, né en legitime mariage le vingt et unieme du present mois, fils de Louis Lemaire, marchand epicier, et de Xainte Rousselet, ses pere et mere, le parrain le sieur Guillaume Chauvois, valet de garderobbe du roy d’Angleterre, la marreine damoiselle Jeanne Cecille Habert, epouse du sieur Anthoine Favane, tous de cette parroisse, qui ont signé.
Cesille Hebert, Chauvois
Gaultier »

« Du mesme jour, a esté baptisé sous condition par moy prestre vicaire soubsigné Catherine, née en legitime mariage le vingt neufvieme du mois precedent, fille de Denis Boorn, gentilhomme irlandois, et d’Eleonore Mackarty, ses pere et mere, le parain Charles Mackarty, officier du roy d’Angleterre, la marainne Catherine Warkins, femme de Jacques Dupuis, capitaine irlandois, et demeurant sur cette paroisse, lesquels ont signé.
Charles Marerti
Catherine Dupuy »

« Du mesme jour, a esté baptisé par moy prestre vicaire soussigné Honorée, née en legitime mariage, fille de Jean Dion, maistre d’hostel de monsieur le duc de Bervick, et de […] des Fon[…], ses pere et mere, tous deux françois de nation, le parain messire Richard Hamilton, grand maistre de la garde robe du roy d’Angleterre, la maraine tres haute et tres puissante madame Honorée Borcq, duchesse de Berwick, lesquels ont signé, le pere present.
La duchesse de Berwicke
Richard Hamilton
Coppin »

« Du mesme jour, a esté fait et solemnisé en face de nostre mere sainte Eglise par moy prestre soussigné, commis à cet effet par monsieur le prieur, le mariage de Charles Ruffin, officier du Roy, veuf de Thomasse Maillien, d’une part, et de Marie Margueritte Bonnement, fille de François Bonnement, officier de la Reine, et de Marie Vigé, ses pere et mere, d’autre part, tous deux de cette paroisse, apres en avoir publié trois bans aux prosnes des messes de paroisses par trois dimanches ou festes consecutifs, scavoir le huitieme, le quinzieme et le vingt deuxieme janvier de la presnte année, les fiancailles faites le jour precedent, le tout tout sans aucune opposition et en presence de Nicolas Capron, officier chez le Roy, beau frere, et de Simon Malliand, officier chez le Roy, beau frere de l’epoux, et de Jean Jouin, officier de feu la Reine, beau frere, et de maistre François Thureau, officier de la maison du roy d’Angleterre, neveu de l’epoux, et de François Bonnement pere, et de Pierre Lemair, beau frere de l’epouze, lesquelz ont signé avec l’epoux et l’epouze.
Ruggin
Marie Marguerite Bonnemant
Youn, Cparon
Thureau, Malljan
Bonnement, Carlevat, prestre »

« Ce jourd’huy deuxieme fevrier mil six cens quatre vingt seize, a esté baptizé par moy prestre soussigné Jacques, né en legitime mariage le jour precedent, fils de Henry Hagan, irlandois, et de Marie Barbe Verbek, ses pere et mere, le parrein honorable homme Jacques Labadie, huissier du cabinet du roy d’Angleterre, la marrein Marie Anne Folliot, femme d’honorable homme François Gaultier, officier du roy d’Angleterre, qui ont signé.
M.A. Folliott
J. Labadie
Gaultier »

« Du mesme jour, a esté baptisé dans la chapelle du chateau vieux de ce lieu par monsieur l’abbé Ronchy le june, aumosnier du roy d’Angleterre, Joseph François, né en legitime mariage le vingt du present mois, fils de Jean Martinash, officier du roy d’Angleterre, et d’Elisabeth Stodard, ses pere et mere, le parain tres haut et tres puissant Jacques Edouard, prince de Galles, fils de tres haut et tres puissant prince Jacques second, roy d’Angleterre, et de tres haute et tres puissante princesse Marie d’Est, princesse de Modenne, ses pere et mere, qui a signé, en presence et du consentement de maistre Estienne Coppin, l’un des vicaires de cette paroisse, qui a apporté les saintes huilles revestu de surplis et d’estolle.
James P., P. Ronchi
Mary Stafford, Coppin, vicaire »

« Du mesme jour, a esté baptisé par moy pestre soussigné Marie, née en legitime mariage le vingt quatriesme du present mois d’avril, fille de Jean Bevan, valet de pied de la reine d’Angleterre, et d’Anne Harton, ses pere et mere, anglois, le parain le sieur Charles Lesborne, escuyer de la reine d’Angleterre, la maraine Marie Grith, femme de chambre de la princesse d’Angleterre, tous anglois de nation, lesquels ont signé avec le père.
John Bevan, Charles Leyburne
François Langhorne, Mary Griffithe »

« Du mesme jour, a esté inhumé dans cette eglize le corps d’honorable homme Beavill Skelton, controoleur de la maison du roy d’Angleterre, aagé de cinquante cinq ans, decedé le jour precedent ; messe haute, prieres et suffrages accoutumez chantez pour le repos de son ame en presence de maistres François Gaultier, prestre, et Pierre Parmantier, diacre, qui ont signé.
P. Parmantier »

« Du mesme jour, a esté baptizé par moy prestre soussigné Jean Baptiste, né en legitime mariage le dernier jour du mois passé, fils de David de Nairne, secretaire de monsieur Carryll, ministre et secretaire d’Etat du roy d’Angleterre, et d’Elizabeth Marie de Coupigny, ses pere et mere, de cette paroisse, le parein messire Jean Carryll, ministre et secretaire d’Etat du roy d’Angleterre, la marreine damoiselle Marie Sushcok, femme de monsieur Stafford, qui sont signé.
Caryll
Mary Stafford »

« Ce jourd’huy dix septiesme may, a esté baptizé par moy prestre soussigné Guillaume François, né en legitime mariage le jour precedent, fils de François Minard, officier de la Bouche du prince de Galles, et de Marie Deslauriers, ses pere et mere, le parein messire Guillaume Walgrave, medecin du roy d’Angleterre, la marreine dame Marie Anne Foilliot, femme de François Gaultier, officier du roy d’Angleterre, tous de cette parroisse, qui ont signé.
Guileaum Waldegrave
Marianne Foliott
F. Gaultier »

« Du mesme jour, a esté baptizé par moy prestre soussigné Philippe, né en legitime mariage le mesme jour, fils de Michel Fleury, officier chez le roy d’Angleterre, et de Marguerite Tiercelin, ses pere et mere, le parein Philippe Tiercelin, oncle maternel dudit baptizé, la mareine Marie Lamiot, fille d’Anthoine et de Jeanne Quesne, de cette paroisse, lesquels ont signé.
Philippe Tiercelin
Marie Lamiot
F. Gaultier »

« Du mesme jour, a esté baptizé dans la chapelle du chateau vieux par monsieur l’abbé Henes, aumosnier du roy d’Angleterre, Jacques Edouard, né en legitime mariage le neufviesme du present mois, fils de Thomas Wivelle, officier du roy d’Angleterre, et de Jeanne Chapelle, ses pere et mere, le parein tres haut et puissant prince Jacques François Edouard, prince de Galles, fils de tres haut et puissant prince Jacques second, roy d’Angleterre, et de tres haute et tres excellente princesse Marie d’Est, princesse de Modene et reine d’Angleterre, la mareinne dame Marie Hamilton, femme de puissant seigneur millord Kainsland, qui ont signé en presence et du consentement de maitre Estienne Coppin, prestre et vicaire de Saint Germain en Laye, revestu d’etolle et de surplis.
Jacques P.
Marie Kingsland
L. Iness
Coppin, vicaire »

« Du mesme jour, a esté inhumé au cymetiere le corps d’Alexandre, aagé de trois ans, decedé le jour precedent, fils de René MagDanelle, premier gentilhomme du roy d’Angleterre, et de Jeanne Roche, ses pere et mere, anglois de nation, prieres et suffrages accoutumez chantez en presence de maistres Jean Bertault, prestre, et Pierre Parmantier, qui ont signé.
J. Berthault »

« Du mesme jour, a esté baptizé par moy prestre soussigné, commis à cet effet par monsieur le prieur, Joseph Nicolas, né en legitime mariage le vingt troisiesme du present mois, fils de Nicolas Michel, cellier du roy d’Angleterre, et de Charlotte Petit, ses pere et mere, de cette paroisse, le parein Joseph Clement, cocher en charge du Roy, la mareinne Jacqueline Margueritte Le Tellier, fille de Pierre Le Tellier, et de Jacqueline Violette, ses pere et mere, lesquels ont signé avec le pere present.
Nicolas Michel
Joseph Antoine Clement, Margueritte Le Tellier
François Langhorne »

« Du mesme jour, a esté baptizé par moy prestre, docteur de Sorbonne, abbé de Nostre Dame de Sully, prieur et curé de ce lieu, Daniel René, né en legitime mariage le vingt quatre du present mois, fils de François Bureau, teinturier, et de Margueritte Françoise Vincent, ses pere et mere, de cette paroisse, le parein Daniel Guy, tailleur de la reine d’Angleterre, la mareinne Adrienne Bureau, femme de Jean Mesnard, tante paternelle dudit baptizé, laquelle a declaré ne scavoir signer, le parein a signé avec le pere present.
François Cureau, Daniel Guy
L’abbé Converset »

« [f. 46] Audit [Michel Daligre, tresorier des Menus Plaisirs et affaires de la Chambre du Roy], la somme de trois mil cent quatre vingts sept livres dix sols que Sa Majesté luy a ordonnée pour emploier au fait de sa charge, mesmes icelle delivrer aux desnommez cy apres que Sa Majesté leur a ordonnée pour leur paiement des logemens et escuries qu’ils ont fournies pour le service du Roy pendant son sejour à Saint Germain en Laye depuis le 24 janvier 1666 jusques et compris le 27 may ensuivant faisant 125 jours, scavoir à la damoiselle de Fonteny VIc IIIxx VII l. X s. pour le loier pendant lesd. 125 jours d’une escurie à 60 chevaux, cinq chambres et dix lits à raison de V l. X s. par jour pour le tout, IIc III l. II s. VI d. à Lalande pour une escurie à 30 chevaux et un grenier à raison de XXXII s. par jour, IIIc LXVIII l. XV s. au sieur Dumesnil, medecin, pour 3 escuries à 44 chevaux, deux greniers et cinq remises [f. 46v] de carosses à LIX s. par jour, Vc XII l. X s. à Ravet pour une escurie à 12 chevaux, cinq chambres et quatre cabinets garnis de XIIII lits à IIII l. II s. par jour pour le tout, Vc IIIIxx I l. V s. à Garnier pour une escurie à 13 chevaux, six chambres et un cabinet garnis de 14 lits à IIII l. XIII s. par jour pour le tout, IIIIc V l. X s. à la veuve Germain pour une escurie à XXX chevaux, deux greniers et deux chambres garnies de huit lits à III l. V s. par jour, et IIIIc XXVIII l. II s. VI d. à Menant pour une escurie de 60 chevaux, un grenier, trois remises de carrosses à III l. VI s. VIII d. par jour, cy : IIIm C IIIIxx VII l. X s.
[…]
[f. 48] Audit Daligre, la somme de quinze cens livres que Sa Majesté luy a ordonnée pour emploier au fait de sadicte charge, mesmes icelle delivrer à Silvestre, graveur, pour son paiement de cinq planches qu’il a gravées en eaue forte par l’ordre et pour le service de Sa Majesté, dont trois desdictes planches representent une veue generalle et en perspective du chasteau de Fontainebleau, et les deux autres un plan du chasteau de Saint Germain en Laye et du chasteau de Versailles et des environs, à raison de IIIc l. pour chacune, cy : XVc l. »

« Du mesme jour, a esté baptisé dans la chapelle du chateau vieux par monsieur l’abbé Innes, aumosnier du roy d’Angleterre, Jacques, né en legitime mariage ce jourd’huy, fils de monsieur François de Gasis, sieur de Beaulieu, premier chirurgien du roy d’Angleterre, et de Felicité Jullienne, ses pere et mere, le parain tres haut, tres puissant monarque Jacques second, roy de la Grande Bretaigne, la maraine madame la comtesse d’Almont, premiere dame d’honneur de la reine d’Angleterre, lesquels ont signé en presence et du consentement de maistre Estienne Coppin, vicaire de cette paroisse, qui a apporté les saintes huilles revestu de son surplis et de son etole.
Jacques R.
Vittoria Mondecucoli d’Avia d’Almond
Iness, Beaulieu
Coppin, vicaire »

« Du mesme jour, a esté baptisé par moy prestre soussigné, docteur de Sorbonne, abbé de Nostre Dame de Sully, prieur et curé de ce lieu, Norbert, né en legitime mariage l’onzieme du present mois, fils de François Chevallier, gentilhomme de la suitte du roy d’Angleterre, et Pese Colson, ses pere et mere, demeurant sur cette paroisse, le parain le sieur Norbert Roetters, fils de Jean et de Cornelie Prost, ses pere et mere, la maraine damoiselle Marie Irovine, fille de Jean et d’Elisabeth Critton, lesquels ont signé.
Nobertus Roettiers
François Chevallier, Maryin Irving
L’abbé Converset »

« Ce jourd’huy dix huitieme aoust mil six cent quatre vingt seize, a esté baptisée par moy prestre, docteur de Sorbonne, abbé de Nostre Dame de Sully, prieur et curé de ce lieu, Marie Elisabeth, née en legitime mariage le quinzieme du present mois, fille de Cornelius Colins et de Jeanne Marie Nerne, sa femme, le parain François Riva, maistre de la garde robe de la reine d’Angleterre, la maraine Marie Elisabeth de Coupigny, femme du sieur Nerne, secretaire du roy d’Angleterre, lesquels ont signé avec le pere.
Coupigny, Francis Riva
L’abbé Converset, Cornelius Colins »

« Ce jourd’huy douzieme septembre mil six cent quatre vingt seize, a esté baptisé dans la chapelle du chateau vieux par monsieur l’abbé Ronchy, aumosnier du roy d’Angleterre, Jacques Edouard Middleton, né en legitime mariage le huitieme du courant, fils du sieur Georges Middleton, apoticaire du roy d’Angleterre, et de demoiselle Marie Chapelain, ses pere et mere, le parain tres haut, tres puissant prince Jacques, prince de Galles, la maraine madame Perth, lesquels ont signé en presence et du consentement de monsieur le prieur, et en presence de maistre François Gaultier, sacristain de cette paroisse, qui a apporté les saintes huilles revestu de surplis et d’estole.
La contess de Perth, Jacques P.
George Middleton, P. Ronchi
F. Gaultier »

« Ce jourd’huy trentiesme septembre mil six cens quatre vingt seize, a esté baptizé par moy prestre vicaire soussigné Philippe, né en legitime mariage le vingt sept du present mois, fils de Philippe Lesserteur, ecuyer de la Bouche de la reine d’Angleterre, et d’Elizabeth Monhun, ses pere et mere, le parein Charles Makarty, chef de Gobelet du roy d’Angleterre, la mareinne Elizabeth Warikin, femme de monsieur Watikin, sous secretaire, qui ont signé avec le pere present.
Elizabeth Watkins, Philippe Lesserteur
Charles Macertie
Coppin »

« Ce jourd’huy 22e octobre 1696, a esté baptisée par moy prestre vicaire soussigné Jeanne Helene, née en et de legitime mariage le jour precedent, fille de Richard Conel, palfrenier du roy d’Angleterre, et de Françoise Lotman, le parain Mathieu Huoart, fils de Tadee et de Jeanne Petit, le maraine Jeanne Valoise, fille de Patrice Valoise et de Margueritte Far, qui ont signé.
Joana Walsh, Matthew Ward
Trinité »

« Ce jourd’huy vingt quatre du mois d’octobre, a esté baptizé par moy prestre soubsigné, Marie, né en legitime mariage le vingt du mesme mois, fille de Olivier O’Gara, colonel, et de Marie Flemmin, ses pere et mere, le parain François Ploeden, sous gouverneur de monseigneur le prince de Galles, la marainne Brigitte Barnovelle, fille de monsieur le comte Barnoel et de Margueritte Dongan, ses pere et mere, qui ont signé.
Fra. Plowden
Bri. Barnewall
F. Gaultier »

« Du mesme jour, a esté baptizée par moy prestre vicare soussigné Marie, née en legitime mariage le trente octobre dernier, fille de Jean Schave, cellier du roy d’Angleterre, et de Jeanne Perkine, ses pere et mere, anglois de nation, le parein honorable homme Charles Lesbornes, ecuyer de la reine d’Angleterre, la mareinne Anne Hyets, femme de monsieur Ennis, colonel dans l’armée du Roy.
Charles Leyburne
Anne Innes, Trinité
John Shaw »

« Ce jourd’huy deuxiesme novembre, a esté baptizée par moy prestre, docteur de Sorbonne, abbé de Nostre Dame de Sully, prieur et curé de ce lieu, Elizabeth Honorée, née en legitime mariage le trente et un du mois passé, fille d’honorable homme Charles Macarty, chef de Gobelet du roy d’Angleterre, et de damoiselle Heleine Sainmessont, ses pere et mere, le parein haut et puissant seigneur Jacques, duc de Berwick, la mareinne madame Elizabeth Walgraffe, femme de monsieur le chevallier Walgraffe, tous anglois de nation et demeurans en cette paroisse, qui ont signé avec le pere present.
Charles Macarti, Berwick
L. Converset, Isabella Waldegrave »

« [f. 25v] A [Pierre Olivier, sieur de Prelabbé, tresorier de l’Argenterie du Roy], la somme de trois mil six cens soixante seize livres quinze sols huit deniers que Sa Majesté luy a ordonnée pour employer au fait de sad. charge, [f. 26] mesmes icelle delivrer aux denommez cy apres pour leur paiement des ouvrages qu’ils ont livrez par l’ordre et pour le service de sa maison pour meubler de deuil partie de son appartement du chasteau de Saint Germain en Laye à cause du dueil de la reine mere, scavoir à Duc et Marsollier, marchands de soie, XIIIIc XLI l. IIII s. pour son paiement de 59 aunes 5/8 de drap d’Holande violet à XX l. l’aune pour faire des paravans et des portieres, deux aunes de toiles d’argent de trois couleurs pour achever un parement d’autel à XII l. XII s., trois quarts de violet pour une chaire de commodité à XXII l., et 18 aunes de damas de Gennes rouge cramoisy pour des rideaux au cabinet du conseil à XI l. XI s. l’aune, à La Balle, marchand drapier, IIc VI l. VI s. VIII d. pour 4 aunes ½ de fin drap du sceau escarlatte à XVI l. pour la chambre de Sad. Majesté, 24 aunes de serge de Londres blanche à IIII l., une aune 2/3 de serge verte pour une porte à [f. 26v] V l. l’aune, et XX aunes de serge d’Aumale rouge pour doubler la tapisserie du conseil à XXX s. l’aune, à Buffet, autre marchand drapier, XVc LXXIII l. XV s. pour 189 aunes et demie de serge à deux envers noire à V l. X s. pour tapisser la salle des gardes, 93 aunes de serge de Saint Lo blanche à V l. X s. et XX l. pour deux voiages à Saint Germain, à Henri, tapissier, IIc XIX l. pour 50 aunes de toile à XX s. pour des rideaux à la gallerie du vieil chasteau, rubans, broquette et façons, compris sept tables brisées à XII l. pièce et façon et menues fournitures de la tapisserie de deuil de la salle des gardes, à Nauroy, autre tapissier, IIc XXXVI l. X s. pour seize feuilles de paraventes, XXIIII milliers de clouds violets et autres menues fournitures et racommodage de meubles, cy : IIIm VIc LXXVI l. XV s. VIII d.
[…]
[f. 30v]
Audit Olivier, la somme de six mil livres que Sa Majesté luy a ordonnée pour employer au fait de sa charge, mesmes pour le continuation des despences à faire pour les habits et autres despences qui seront faites pour le balet que Sa Majesté fait danser à Saint Germain en Laye, et ce outre XIXm l. qui luy ont esté cy devant ordonnez pour le mesme effect, cy : VIm l.
[…]
[f. 34] Audit [Michel Daligre, tresorier des Menus plaisirs et afaires de la Chambre du Roy], la somme de dix neuf cens trente neuf livres cinq sols six deniers que Sa Majesté luy a ordonnée pour emploier au fait de sad. charge, mesmes icelle delivrer aux denommez cy apres pour leur paiement du louage des escuries, greniers, chambres et remises de carrosses qu’ils ont fournies pour le service du Roy pendant son sejour à Saint Germain en Laie depuis le 19 avril 1665 jusques et compris le 14 aoust ensuivant, scavoir à Lalande, l’un des jardiniers du Roy, IIIc LIII l. XVIII s. un d. pour le louage d’une escurie de 28 chevaux à raison d’un sol pour l’atache de chaque cheval par jour, un grenier à mettre du foing à II s. VI d. par jour et deux corps de logis [f. 34v] vuides contenans contenans unze pieces à II s. VI d. chacune, à Dumesnil, medecin, IIIc XXXVI l. VII s. VI d. pour une escurie de 45 chevaux, un grenier et cinq remises de carrosses, à Jacques Garnier, maitre de l’Image Notre Dame, IIIc LXXVII l. VI s. VI d. pour cinq chambres et dix licts à raison de cinq sols par jour pour chacun lict, une escurie à dix chevaux, une remise de carosse et un grenier, à Antoine Ravet, maitre de l’Image Sainte Catherine, IIIIc LXVIII l. pour une escurie à dix chevaux, cinq chambres, 4 cabinets et 14 licts à cinq sols par jour pour chacun, au sieur de Silancourt, VIxx XI l. XII s. VI d. pour une escurie à 20 chevaux et un grenier, et à Noel Menant, maitre du Lievre d’or, IIc LXXII l. VI d. pour deux escuries à 40 chevaux, un grenier et deux remises de carrosse, le tout pendant led. temps, cy : XIXc XXXIX l. V s. VI d.
[…]
[f. 36] Audit Daligre, la somme de six cens livres que Sa Majesté luy a ordonnée pour employer [f. 36v] au fait de sa charge, mesmes icelle delivrer à Silvestre, graveur, pour son paiement de deux planches qu’il a gravées en eaue forte par l’ordre de Sa Majesté et pour son service, la premiere representant une veue du chasteau de Saint Germain en Laye du costé de la riviere, et la seconde une veue de la cour des Fontaines de Fontainebleau avec le jardin de l’estang, à raison de IIIc l. chacun, cy : VIc l.
[…]
[f. 37] A luy, la somme de douze cens quarante huit livres que Sa Majesté luy a ordonnée pour emploier au fait de sad. charge, mesmes icelle delivrer au sieur de Beaumont, chapelain de la chapelle du chasteau de Saint Germain en Laye pour remboursement de pareille somme qu’il a desboursée pour le luminaire extraordinaire, blanchissage du linge, pain à chanter, vin des messes et autres despences qu’il a faictes pour lad. chapelle pendant le séjour du Roy audit lieu es années MVIc soixante deux et 1665, cy : XIIc XLVIII l.
[…]
[f. 42] Audit Daligre, la somme de cinq cens quarante cinq livres que Sa Majesté luy a ordonnée pour emploier au fait de sad. charge, mesmes icelle delivrer au sieur Vigarani, inventeur des machines de theatres et balets, pour son remboursement de pareille somme qu’il a paiée pour la despence faicte pour dresser et conduire le theatre des comedies dans le chasteau vieux de Saint Germain en Laye le XXIIIIe octobre 1666, cy : Vc XLV l.
[…]
[f. 42v] Aud. Daligre, la somme de trois mil livres que Sa Majesté luy a ordonnée pour emploier au fait de sa charge, mesme icelle delivrer à la troupe des comediens françois, à compte des apointements extraordinaires que Sa Majesté leur a accordés pour jouer devant Elle à Saint Germain en Laye, cy : IIIm l.
A luy, la somme de six mil livres que Sa Majesté luy a ordonnée pour emploier au fait de sa charge, mesmes pour avec XVm l. que Sa Majesté a cy devant ordonné faire XXIm l. à compte des despenses à faire pour le ballet qu’Elle veut faire danser dans la salle du vieux chasteau de Saint Germain en Laye pendant le mois de novembre 1666, cy : VIm l.
A luy, la somme de huict mil livres que Sa Majesté luy a ordonnée pour emploier au fait de sa charge, mesmes pour avec XXIm l. qui luy ont esté cy devant ordonnez faire XXIXm l. pour les despences dud. balet, cy : VIIIm l.
[…]
[f. 45] Audit Daligre, la somme de trois mil livres que Sa Majesté luy a ordonnée pour emploier au fait de sa charge, mesmes icelle delivrer aux comediens françois à compte de leurs apointemens extraordinaires pendant le sejour du Roy à Saint Germain outre pareille somme qui leur a esté ordonnée au mois de novembre 1666, cy : IIIm l.
[…]
[f. 375] Audit [Sebastien François Delaplanche, tresorier general des Bastiments du Roy, arts et manufactures de France], la somme de deux cens mil livres que Sa Majesté luy a ordonnée pour employer au fait de sa charge, mesmes pour la continuation des despences à faire pour les bastiments des chasteaux du Louvre, Saint Germain et Versailles pendant l’année MVIc soixante six, compris les frais dud. tresorier à raison de II d. pour livre, cy : IIc m l. »

« Du mesme jour, a esté baptisé par monsieur l’abbé Enis, aumosnier de Sa Majesté britannique, Jacques, né en legitime mariage le jour precedent, fils de Richard Biddulph, gentilhomme de la chambre, officier de la chambre du roy d’Angleterre, et de Marie Artubar, ses pere et mere, le parein tres hault et tres excellent prince Jacques second, roy de la Grande Bretagne, la mareinne haulte et puissante dame madame la duchesse de Bervik, qui ont signé, en presence de maistre Etienne Coppin, prestre et vicaire de cette paroisse royalle de Saint Germain en Laye, qui a apporté les saintes huiles, revetu de son surplis et etolle, le pere a aussy signé.
Jacques R.
Inese
Rich. Biddulph, H. Berwick
Coppin, vicaire »

« Ce jourd’huy douziesme decembre 1696, a esté baptizé par moy prestre soussigné Thomas, né en legitime mariage le jour precedent, fils de Thomas Boutler, palfrenier de la reine d’Angleterre, et de Melissainte Jourdain, anglois de nation, le parein Benjamin Cotton, porteur de chaise de la reine, la marainne Françoise Hamilton, aussy angloise, qui ont signé avec le pere present.
Benj. Cotton, Tho. Butler
Desprez, Frances Hamelton »

« Ce jourd’huy quatorzieme decembre mil six cent quatre vingt seize, a esté baptisé par moy prestre vicaire soussigné Anne Marie Victoire, née en et de legitime mariage le jour precedent, fille du sieur Millet Magra, capitaine irlandois, et de dame Anne FFitton, ses pere et mere, le parain messire Alexandre FFitton, grand chancellier d’Irlande et grand pere de la baptisée, la maraine madame madame Anne Marie Victoire, comtesse d’Almont, dame d’honneur de la reine d’Angleterre, qui ont signé avec le pere present, lequel a signé.
Fytton
Vittoria Montecucoli d’Alva d’Almond »

« Du mesme jour, a esté baptisé par moy prestre vicaire soussigné Marie, née en legitime mariage le mesme jour, fille de Robert Maisten, cocher de la reyne d’Angleterre, et de Rebeca Hooper, ses pere et mere, le parain Robert Bouquinham, escuyer de la reyne d’Angleterre, la marainne Elisabeth Venantes, femme de Jean Homstom, tous anglois de nation et demeurant sur cette paroisse, lesquels ont signé avec le pere present.
Robert Bucbenham, Mary V.
Robert Mastin, Coppin »

« Ce jourd’huy vingt troisiesme janvier mil six cent quatre vingt dix sept, a esté inhumé en cette eglize le corps de damoiselle Marie, aagée de dix sept ans, decedé le jour precedent, fille du sieur Robert Stricklande, vice chambellan de la reine de la Grande Bretagne, et de dame Brigitte Manick, ses pere et mere, anglois de nation ; messe haute, prieres et suffrages accoutumez chantez en presence de maistres Francis Gaultier, prestre, et Pierre Parmantier, diacre, qui ont signé.
P. Parmantier »

« Du mesme jour, a esté baptizé par moy prestre vicaire soussigné Jacques, né en legitime mariage le neufvieme du present mois, fils de Pierre Adam, baucheron, et de Marie Malevre, ses pere et mere, le parein honorable homme Thomas Hannequin, chef de cuisine du roy d’Angleterre, la mareinne Heleine Sennesson, femme du sieur Charles Macarty, officier du roy d’Angleterre, qui ont signé.
Thomas Atkins, Helene Macartie
Trinité »

« Du mesme jour, a esté baptizé par moy prestre vicaire soussigné, commis à cet effet par monsieur le prieur, Elizabeth, née en legitime mariage le dix sept du present mois, fille de Jean Wilky, valet de chambre de la princesse d’Angleterre, et de Margueritte Jonsse, ses pere et mere, anglois de nation, de cette paroisse, le parein M. Jean Caselle, ministre et secretaire d’Etat de Sa Majesté britannique, la mareinne dame Elizabeth Ronky, femme du chevalier Guillaume Walgrave, anglois, demeurants en cette paroisse, qui ont signé.
Isabella Waldegrave, Caryll
François Langhorne »

« Ce jourd’huy vingt quatriesme fevrier mil six cent quatre vingt dix sept, a esté baptizée par moy prestre soussigné Elizabeth, née en legitime mariage le jour precedent, fille de François Gouffier, postillon de la reine d’Angleterre, et d’Elizabeth Boulle, ses pere et mere, le parain Jacques Charpantier, marchand vigneron, la mareinne Françoise Berdeville, femme de Sebastien Menestrelle, marchand de grain, de cette paroisse, laquelle a declaré ne scavoir signer, le parein a signé.
Jacques Charpentier
F. Gaultier »

« Ce jourd’huy dix neufvieme mars mil six cent quatre vingt dix sept, a esté baptisé par moy prestre vicaire soussigné Dorothée, née en legitime mariage le dixieme du present mois, fille de Guillaume Hayde, gentilhomme de la reyne d’Angleterre, et de Marie Reisdon, ses pere et mere, le parain monsieur Guillaume Crane, gentilhomme de la reyne, la marainne Anne Moré, epouse de feu Charles Mpré, tous anglois de nation, lesquels ont signé avec le pere present.
Willttyde, Murray
Trinité, Crane »

« Du mesme jour, a esté baptizé par moy prestre soussigné Jean, né en legitime mariage le vingt et unieme du present mois, fils d’Anthoine Cottreau, tonnelier, et de Barbe Gardon, ses pere et mere, le parrein Jean Read, officier du roy d’Angleterre, la mareinne Marie Catherine Trouvain, veufve de feu maitre Jean Renard, conseiller du Roy, maitre des rentes de l’hostel de ville de Paris, de la paroisse de Saint Nicolas des Champs, qui ont tous signé.
John Read, M. C. Trouvain
Desprez »

« Ce jourd’huy onziesme avril mil six cent quatre vingt dix sept, a esté baptizé par moy prestre soussigné Catherine, née en legitime mariage le jour precedent, fille de Daniel O’Brien, officier d’infanterie dans les troupes du roy d’Angleterre, et de Margueritte Condom, ses pere et mere, le parrein Bernard Aubry, valet de pied de Son Altesse royalle monseigneur le prince de Galles, la mareinne Jeanne Margueritte Daumarier, veufve de feu capitaine Maurice Plomquett, tous irlandois de nation, de cette parroisse, qui ont signé avec le pere present.
Daniell O’Bryen, Bryan O’Brine
Janne Margariete do Meara, Desprez »

« Du mesme jour, a esté baptisé par moy prestre vicaire soussigné Jean Charles, né en et de legitime mariage l’onzieme du present mois, fils du sieur Jean Bagot, gentilhomme ordinaire de la chambre du roy d’Angleterre, et d’Helaine Jold, ses pere et mere, irlandois, le parain haut et puissant seigneur Charles O’Brien, comte de Clare, colonel du regiment, la maraine dame dame Honorée Bourk, epouse de monseigneur le duc de Berwick, lesquels ont signé avec le pere.
Clare
H. Berwick
Coppin »

« Ce jourd’huy vingt sixieme avril mil six cent quatre vingt dix sept, a esté baptisée dans la chapelle du chateau vieux par monsieur l’abbé Rinchy, aumosnier du roy d’Angleterre, Marie, née en legitime mariage le 23e du present mois, fille de Christophe Williams, officier du prince de Galles, et de Marie Favanne, ses pere et mere, tous deux anglois, la maraine tres haute et tres puissante princesse Marie d’Est, duchesse de Modenne et reine d’Angleterre, laquelle a signé en presence et du consentement de messire Michel Trinité, l’un des vicaires de cette paroisse, revestu de son surplus et estole, lequel a apporté les saintes huilles.
Maria R.
P. Ronchi
Christophle Williams »

« Ministère des Travaux publics
Château et parterres et terrasses de Saint-Germain-en-Laye
Bureau de l’architecte
République française
Saint-Germain-en-Laye, le 8 septembre 1895
Monsieur le Ministre,
J’ai l’honneur de vous informer que M. Corbel, sculpteur à Paris, m’a demandé à être chargé de travaux de sculpture au château de Saint-Germain-en-Laye, dont la restauration vient d’être reprise. Il a produit à l’appui de sa demande des références et des titres qui m’ont paru dignes d’être pris en considération. C’est pourquoi je me propose, si tel est votre avis, de confier à ce sculpteur les travaux dont il sollicite l’exécution.
J’ai l’honneur d’être, Monsieur le Ministre, votre dévoué serviteur.
L’architecte du château de Saint-Germain
Daumet »

« Du mesme jour, a esté baptizé par moy prestre soubsigné Jacques, né en legitime mariage, fils de Jacques Nikell, avocat du roy en ses revenus en Irlande et secretaire de son cabinet dans le mesme royaume, et de Françoise Foliot, sa femme, le parain Jacques Dabbay, page de la chambre du roy d’Angleterre et garde de son cabinet, la marreinne Marie Anne Gaultier, fille de François Gaultier, officier du roy d’Angleterre, et de Marie Anne Foliot, ses pere et mere, lesquels ont signé avec le pere.
Marie Anne Rose Gaultier
De Labadie
F. Gaultier »

« Du mesme jour, a esté baptizé par moy prestre vicaire soussigné Marie, née en legitime mariage le sixieme du present mois, fille de Jean Davis, gentilhomme anglois et de Marie Soere, ses pere et mere, de cette paroisse, le parrein messire Guillaume Walgrave, chevalier, medecin de Sa Majesté britannique, le mareinne Françoise Schellon, fille du sieur Schellon, premier ecuyer du roy d’Angleterre, tous demeurant en cette paroisse, qui ont signé.
G. Waldegrave
Trinité, Frances Sheldon »

« Du mesme jour, a esté baptizé par moy prestre vicaire soussigné Richard, né en legitime mariage le jour precedent, fils de Claude Maugy, valet de chambre du gouverneur du prince de Galles, et de Françoise Dade, ses pere et mere, le parein Richard Crumpe, chef du Gobelet du roy d’Angleterre, la mareinne Elizabeth Mohoun, femme de Philippes Desserteur, chef de Bouche de la reine d’Angleterre, tous demeurants en cette paroisse, qui ont signé.
Richard Crumpe, Elezebth Lesartur
Coppin »

« Du mesme jour, a esté baptizé par moy prestre vicaire soussigné Claude, né hors mariage le jour precedent, fils naturel de Claude Carron, garçon chirurgien du roy d’Angletterre, et de Catherine Lafleur, ses pere et mere, le parein Jean Baptiste, fils de Jean Leclair, marchand, et de Jeanne Debette, ses pere et mere, la mareine Marie, fille Simon Joseph de Saint Pierre, rachesseur de la capitainerie et de Marie Alardin, ses pere et mere de cette paroisse, qui ont signé avec le pere.
Marie Saint Pierre, Jean Baptiste Leclerc
Trinité »

« Du mesme jour, a esté inhumé dans cette eglize [vide], femme de [vide], nourrice de Son Altesse royalle monseigneur le prince de Galles, aagée de [vide] ans, decedée le jour precdent, messe haute, prieres et suffrages accoutumez chantez pour le repos de son ame en presence de maistres François Gaultier, prestre, et Pierre Parmantier, qui ont signé.
P. Parmantier »

« [f. 158v] Henry, par la grace de Dieu roy de France, a nostre amé et feal conseiller et aumosnier ordinaire maistre Philbert Delorme, nostre architecte ordinaire, salut. Pour ce que nous voulons scavoir et entendre comme le feu Roy nostre tres honoré seigneur et pere a esté servy en ses bastimens de Fontainebleau, Saint Germain en Laye, Villiers Costerets, Yerre et le bois de Boulongne, a ceste cause, pour la bonne et entiere confiance que nous avons de vostre personne et de vos sens, suffissance, loyaulté et grande experience en l’art d’architecture, preudhommie et bonne diligence, nous avons par ces presentes commis et depputé, commettons et deputtons par ces presentes pour vous transporter sur les lieux desd. bastimens dessus nommez et icelluy appeler tels personnages expers que vous adviserez, les faire visiter et toiser, scavoir et veriffier si les ouvrages ont esté bien et deuement et loyaument faits, s’il n’y a point eu aucunes malversations et abus tant a la conduitte des ouvrages que toisages d’iceux, et en ce faisans contraindre [f. 159] ou faire contraindre par toutes voyes et manieres deues en tel cas requises les maçons, charpentiers et autres qui ont eu et auront charge de sesd. bastimens, ediffices, ouvrages, de faire leur debvoir et reparer leur faulte selon et ainsy qu’il appartiendra, et seront tenus, obligez. Et davantage, ayant par nous deliberé de faire reediffier et redresser une maison ou chasteau au lieu de Saint Liger en la forest de Montfort l’Amaulry, nous voulons que le dessein ou pourtraict qui en a esté ou sera fait et dressé vous ayez a faire conclure et arrester avec lesd. maçons, charpentiers et autres que besoin sera, les pris et marchez qu’il conviendra faire, soit verballement ou par escript, des ouvrages dud. premier bastiment et ediffice, ensemble pour le parachevement, reparation et amelioration des autres encommancez, et sur ce ordonnerez des frais necessaires et convenables en validant et authorisans des a present par ces presentes quand a ce vosd. ordonnances et pareillement lesd. pris et marchez comme si par nous avoient esté faits, voulons et nous plaist qu’en rapportant cesd. presentes signees de nostre main ou vidimus d’icelles faits soubs scel royal avec lesd. pris et marchez, vosd. ordonnances ou les roolles et cahiers desd. frais signez, certiffiez et arrestez de vous respectivement ainsy que besoin sera et les quittances des parties ou elles escheront, tout ce a quoy monteront lesd. frais desd. ouvrages, voictures et necessitez desd. bastimens estre passé et alloué es comptes et rabatu de la recepte et [f. 159v] et assignations de ceux qui en tiendront le compte par nos amez et feaux les gens de nos comptes, ausquels vous mandons ainsy le faire sans aucune difficulté. Car tel est nostre plaisir. Nonobstant quelsconques ordonnances, restrinctions, mandemens ou deffences a ce contraires de ce faire, vous avons donné et donnons plain pouvoir, authorité, commission et mandement especial par cesd. presentes, mandons et commandons a tous nos justiciers, officiers et sujets que a vous en ce faisant soit obey, prestent et donnent conseil, confort, ayde et prisons si mestier est et requis en sont. Donné a Fontainebleau le 3e d’apvril 1548 apres Pasques et de nostre regne le 2e.
Signé Henry et au dessous Par le Roy, le sieur de Montmorency, connestable de France, present du Thier, et scellé en simple queue de cire jaulne. »

« Ce jourd’huy 25e juillet 1697, a esté baptisé par moy prestre, docteur de Sorbonne, abbé de Nostre Dame de Sully, prieur et curé de ce lieu, Ferdinand Ignace, né en et de legitime mariage le jour precedent à six heures du matin, fils de messire Charles Mollza, comte italien de Modenne, et de madame madame Veronique Angeloti, ses pere et mere, le parain messire Richard Hamilton, grand maistre de la garde robe du roy d’Angleterre, la maraine madame madame Marie Stouthcout, femme de messire Jean Staford, controoleur de la maison du roy d’Angleterre, lesquels ont signé avec le pere.
Richard Hamilton
Mary Stafford
Carlo Molza
L’abbé Converset »

« Ce jourd’huy dixieme aoust 1697, a esté baptisée dans la chapelle du chateau viel de ce lieu par monsieur l’abbé Ronchi, aumosnier du roy d’Angleterre, Marie, née en et de legitime mariage le jour precedent, fille de M. François de Gassis de Beaulieu, premier chirurgien du roy d’Angleterre, et de damoiselle Foelicité Jullienne, ses pere et mere, la maraine tres haute et tres puissante princesse Marie d’Este, princesse de Modenne et reine d’Angeterre, laquelle a signé avec le pere en presence de maistre Michel Trinité, vicaire de cette paroisse, revestu de surplis et d’estole.
Maria R.
Trinité, P. Ronchi
Beaulieu »