Pièce 6 - Marché pour la livraison de pierres à Saint-Germain-en-Laye

1 document sur support papier

« Furent presens en leurs personnes Robert Papiot, marchand carrier demeurant à Saint Maur des Fossées, Louis Chauvin, Pierre Bonnier et Guillaume Hanquetil, voicturiers par terre demeurans à la Pilotte pres Viulaine, estant de present en ce lieu, lesquelz vollontairement ont promis, promettent et s’obligent sollidairement l’un pour l’autre, chacun d’eux un seul et pour le tout, sans division ne discution et fidejussion, renonceans aux benefices et exeptions d’iceux droictz, aux sieurs Anthoine Bricard et François Villedor, conseillers du Roy, generaux des Bastimens de Sa Majesté, ponts et chaussées de France, demeurans à Paris rue Neuve Saint Louis, paroisse Sainct Paul, estans aussy ce jourd’huy en ce lieu, à ce presens et acceptans, de fournir et voicturer touttes la pierre de taille dure tant carreaux, sangle double, sange et quartier de la hauteur de quinze pouces la moindre et en continuant jusques à deux piedz de hault à raison de quatre solz tournois pour chacun pied de pierre cube rendue aux chasteaux tant vieil que neuf dud. Saint Germain, comme aussy tout le moilon qui conviendra pour lesd. chasteaux et basse cour et au commencement des clostures hors la porte de Poulligne jusques à mil thoises de long, à raison de vingt trois livres pour chacun cent, lequel cent sera compté à raison de seize piedz de long sur huict piedz de large et quatre piedz de hault, faisant ensemble cinq cens douze piedz, à la charge qu’il sera permis ausd. Papiot, Chauvin, Bonnier et Hanquetil de prendre de la pierre et moilon aux carrières dud. Saint Germain les plus commodes pourveu que lad. pierre soict bonne, loyalle et marchande. Et pour faire les voictures et fournissement cy dessus, lesd. entrepreneurs emploirons le plus grand nombre d’ouvriers que faire ce poura, à commencer des le vingt troisiesme jour du present mois et continuer sans discontinuation, à peyne de tous depens, dommages et interestz, lesquelz prix lesd. sieurs Bricard et Villedot s’obligent de payer ausd. entrepreneurs au fur et à mesure qu’ilz feront la livreraison desd. matereaux par chacune sepmaine, à commencer dud. jour vingt troisiesme du present mois, sur lesquelz prix lesd. Papiot, Chauvin, Bonnier et Hanquetil recognoissent et confessent avoir eu et receu desd. sieur Bricard et Villedot la somme de deux cens livres tournois, dont quittant, sans que pour raison du present marché lesd. entrepreneurs soient tenus à aucun fortage, promettant, obligeant chacun en droict soy lesd. Papiot, Chauvin, Bonnier et Hauquetil sollidairement comme dessus corps et biens, renonceant. Faict et passé aud. Saint Germain en Laye, en l’estude des nottaires soubzsigné, presence d’Allexandre Cagnyé et de Jacques Regnault, clers demeurans en ce lieu, tesmoings, l’an mil six cens soixante et trois, le dix neufiesme avril avant midy, et ont signé, fors led. Papiot qui a declaré ne savoir escripre ne signer, de ce interpellé.
Bricard, Villedo
Pierre Bonnier, Louis Chauvin
Anquetil
Cagnye, Regnault
Lamy »

• français

• français