Pièce 1 - Marché pour la construction du Château-Neuf

1 document sur support papier

« Devis des ouvraiges de maçonnerye et pierre de taille qu’il convient faire de neuf pour le Roy nostre sire au parachevement et perfection du bastiment encommencé au parc de son chasteau de Saint Germain en Laye sur le devant de la riviere de Seine, où y a de present deux pavillons construictz avec autre commancement de logis attenant lesd. pavillons qui sont ja fondez et commancez suivant les matieres, estoffes et espoisseur d’icelluy commancement, tant pour les principaulx murs que des autres murs de refent separant les salles, chambres et garderobbes que manteaulx de chemynee de pierre de taille au premier estaige d’icellui bastiment et second estaige qui sera en galletas. Seront lesd. manteaulx maçonnez de brique avec les souches des tuyaux d’icelles. Faire les lambris desd. galletas de tout led. bastiment de plastre avec tous les enduictz des murs qui sont ja faictz que de ceulx qui sont à faire de chaulx et sable et les planchers et aires d’icelluy bastiment de plastre, pavez par le dessus de carreau de terre cuitte, le tout suivant le premier marché qui a esté cy devant faict pour raison desd. bastimens.
Fut present honnorable homme Guillaume Marchant, juré du Roy en l’office de maçonnerye, demeurant à Paris rue Geoffroy Lasnier, parroisse Saint Gervais, lequel recongnut et confessa avoir promis et promet au Roy nostre sire, ce acceptant par hault et puissant seigneur messire Albert de Gondy, duc de Retz, pair et mareschal de France, à ce present, et par noble homme Jehan de Donon, conseiller du Roy et contrerolleur general des Bastimens de Sa Magesté, de faire et parfaire bien et deuement comme il apartient au dire d’ouvriers et gens à ce congnoissans tous et chacuns les ouvraiges de maçonnerye qu’il convient faire pour Sad. Majesté au lieu et endroict declaré par le devis transcript de l’autre part, et ce des estoffes, matieres et façons plus au long speciffiez, contenuz et declarez par led. devis, et pour ce faire sera tenu led. Marchant fournit toutes les pierres de taille, la taille d’icelles, chaulx, sable, plastre et autres matieres à ce necessaires, le tout selon et au desir dud. devis et selon qu’ils sont commancés. A commancer à besoigner à iceux dedans le jour de mardy prochain XXVIe jour de ce present mois et an, et continuer sans discontinuer avec bon nombre d’ouvriers et rendre le tout faict et parfaict en la plus grande diligence que faire ce pourra en sorte que le tout soit faict et parfaict dedans la fin de ceste presente année sy faire ce peult. Ceste promesse et marché faictz moyennant et à raison de six escuz d’or sol pour chacune thoise thoisez selon la coustume de Paris, les lucarnes, entablemens et escalliers de pierre de taille estimez à la juste valleur, lequel prix sera payé aud. Marchant par le tresorier general des Bastimens du Roy au feur et à mesure que led. Marchant besoignera ausd. ouvraiges. Promettant. Obligeant corps et biens comme pour les propres affaires du Roy. Renonçant. Fait et passé dans l’hostel dud. seigneur duc de Retz siz à Paris rue d’Autruche pres le chasteau du Louvre le XXIIIIe jour d’avril MVc quatre vingtz quatorze avant midi.
Du vingt quatriesme d’apvril 1594
De Gondi, Marchant
Leroy, DeBriquet »

• français

Gabriel Marcel, « Marché pour la construction d’une partie du Château-Neuf de Saint-Germain-en-Laye », Bulletin de la Société de l’histoire de Paris et de l’Ile-de-France, 1907, p. 124-126.
Georges Houdard, Les châteaux royaux de Saint-Germain-en-Laye 1124-1789, étude historique d’après des documents inédits recueillis aux Archives nationales et à la Bibliothèque nationale, t. II, Le domaine royal de 1539 à 1680, Saint-Germain-en-Laye, Maurice Mirvault, 1910-1911, p. 113-115.
Jean-Pierre Samoyault, « Louis Poisson, peintre d’Henri IV. Ses travaux aux châteaux de Fontainebleau et de Saint-Germain-en-Laye », Bulletin de la Société de l’histoire de l’art français, 1989, p. 21-42, ici p. 37, n. 73.
Monique Kitaeff, « Le Château Neuf de Saint-Germain-en-Laye », Monuments et Mémoires publiés par l’Académie des Inscriptions et Belles-Lettres, 77, 1999, p. 73-136, ici p. 82.
Emmanuel Lurin, « Le Château Neuf de Saint-Germain-en-Laye, une villa royale pour Henri IV », Bulletin des Amis du Vieux Saint-Germain, n° 45, 2008, p. 123-147, ici p. 126.
Emmanuelle Loizeau, Louis et Clément Métézeau, architectes du roi, thèse d’histoire de l’art sous la direction de Claude Mignot, Paris-Sorbonne, 2009, t. II, p. 326.
Emmanuel Lurin (dir.), Le Château-Neuf de Saint-Germain-en-Laye, Saint-Germain-en-Laye, Les Presses Franciliennes, 2010, p. 35.

• français