Pièce 1 - Lettre à Anne de Montmorency concernant son logement à Saint-Germain-en-Laye

« Monseigneur,
Je suis en ce lieu de Saint Germain avec les fouriers du Roy, où j’ay veu tout le logis. Je ne treuve poinct que puisse loger Monseigneur sans prendre sur le logis que tient la royne de Navare pour une maison qui porte cinq chambres et pour six chevaulx, et demeure a lad. dame dix huit chambres et trente six chevaulx. J’ay prins sur monseigneur le cardinal de Lauraine une chambre et pour quatre chevaux, et sur le cardinal de Tournon ung moulin pour loger partie des officiers de mesd. seigneurs. Leurs mareschaulx des logis s’en vont plaindre, par quoy, Monseigneur, je vous supplie me garder mon bon droit ou sinon mesd. seigneurs demouront sur le pavé.
Monseigneur, l’ostelerie de Saint Nicollas est entre mes mains pour subvenir a ce qu’il plaira au Roy et a vous me commander. L’escuyrie du Roy la vault prendre et laisser son logis enscien qui est aussi bon qu’il fut jamais. Aussi le fourier de monseigneur de Saint Pol le demande et veult laisser le scien. Monseigneur, touchant le logis de Poissy, il vous plaira me faire entendre si je donneray logis a autres que aux embassadeurs, pour ce que les sieurs ytalliens y veulent loger. »

Monique Chatenet, La cour de France au XVIe siècle, vie sociale et architecture, Paris, Picard, 2002, p. 64-65.