Pièce 2 - Acte donné par Charles V en son château de Saint-Germain-en-Laye

1 manuscrit

« Charles, par la grace de Dieu roy de France, a noz amez et feaulx conseiller les generaulx tresoriers a Paris des aides ordenez pour la delivrance de nostre tres cher seigneur et père, dont Dieu ait l’ame, salut et dilection. Pour certaines et secretes besoignes nous envoyons hastivement nostre amé huissier d’armes Guillaume Arnaut de Lahas par devers nostre tres cher et tres amé frere le duc d’Anjou et nostre tres cher cousin le conte d’Armagnac, et vous mandons et estroitement enjoignons que tantost et sans delaiz ces lettres veues vous par Jehan Luissier, receveur general des diz aides, faites bailler et delivrer a nostre dit huissier d’armes, pour faire ses despens ou dit voyage, la somme de cinquante franz d’or, et par rapportant ces presentes tant seulement sanz autre quittance ou descharge quelconques, nous voulons les diz L franz estre alloez es comptes dudit Jehan Luissier par noz amez et feaulx les genz de nos comptes a Paris, nonostant ordenances ou deffenses a ce contraire. Donné en nostre chastel de Saint Germain en Laye le XXIIe jour d’aoust l’an de grace mil CCC LXVIII, et le quint de nostre regne.
Par le Roy
J. de Saint Martin »

• français

Léopold Delisle, Mandements et actes divers de Charles V (1364-1380) recueillis dans les collections de la Bibliothèque nationale, Paris, Imprimerie nationale, 1874, p. 234, n° 463.

Cécile Léon, Le château de Saint-Germain-en-Laye au Moyen Âge, XIIe-XIVe siècle, Paris, Les Presses Franciliennes, 2008, p. 118 et 123.

http://gallica.bnf.fr/ark:/12148/btv1b9000293n/f19.item

• français